2020-03-24

2.1K

【JM有話兒】家庭開支有咩?網民:點分配先合適!

一個家庭要考慮家庭開支真係令人頭都大埋,除咗住宅供款、水電煤、差餉、管理費之外,仲有咩開支?要畀幾多家用父母?有網民喺討論區探討如果每月預三千蚊係俾家母,每日嘅日常食用開支(即係每日食同搭車合共用一百蚊),合理嗎?

原來樓主個阿媽計劃退休,所以樓主要重新分配自己預算支出。老人家退休後嘅生活負擔,係唔少家庭都要面對嘅難題,單單要照顧自己嘅家庭生活已經夠苦,如果仲要照顧老人家日後嘅生活,都咪話唔頭痕!

入一起討論 :一個家庭有咩開支?家母退休,家用又應俾多少?

而且,樓主除咗每個月畀三千蚊家用老人家,仲要考慮埋可能有其他支出:

「如突然間要睇醫生,買日用品咁。」

「首先你媽要唔要租樓/供樓?如果唔洗就好啲,一個月20K就差唔多」

「如果有拎生果金,加你果3000蚊,慳慳地應該都夠。」

之但係,老人家嘅生果金要65歲先可以開始申請,強積金又要65歲後先拎得,但樓主嘅媽媽60歲,仲未申請到津貼或者強積金,變相真係要靠樓主養!

加入一起討論 :一個家庭有咩開支?家母退休,家用又應俾多少?

唔少網友都認為以樓主嘅財政狀況,要負擔晒照顧退休娘親嘅開支實在有點難度!所以大家都紛紛留言勸佢量入而出,向阿媽坦誠有經濟壓力:

「你真係要坦白講你能力範圍,唔好太大壓力呀,你自己都要生活」

「坦白講出來,無能力就無能力。」

「仔女唔夠能力,自己無足夠錢,講咩退休」

 

香港地消費指數極高,好多時單係養自己嘅家庭已經唔容易,兩公婆衣、食、住、行樣樣都係錢,如果有小朋友,開支更加係以倍數增長,如果仲要養埋兩老,經濟壓力真係重如泰山!

如果大家擔當住要「擔起頭家」嘅角色,一方面要衡量自己嘅能力,另一方面亦要多啲同屋企人溝通,盡早為未來做好儲蓄規劃:

1. 與家人多溝通

家人未必會知道你嘅實際收入,與其收收埋埋,不如打開心屝,同家人一齊坦誠分享財政狀況,包括收入同支出,大家一齊商量攞個平衡。

2. 開支理財要知曉

計算家庭各項開支嘅時候,可以先按比例列出各項必要開支,包括租金/供款、膳食、交通費用等,之後再計劃額外開支如旅遊、買車等計劃。家人之間應一起商量,共同實現目標。

3. 減少不必要的開支

盡量減少不必要嘅開支,例如:聚餐、購買衣物等,亦可以定期檢討家庭或個人嘅財政狀況,養成良好嘅理財習慣。

加入一起討論 :一個家庭有咩開支?家母退休,家用又應俾多少?

【編按:以上內容為作者之個人意見及立場】

相關文章

相識逾20年 50歲老公疑似追小妹妹 互傳訊息兼主動送禮

人妻掏積蓄替老公還債 惟對方不知悔改再度欠債:我表示唔想幫佢還,佢即時發難…..

老公常赴內地工作 自爆出軌與小三已生小孩 令人妻心碎: 心痛到連恨嘅感覺都冇

【夫妻關係】被老公取笑年紀大不及年輕女同事 令人妻心靈受傷:係講笑定嫌棄我?

緊貼新冠肺炎最新相關資訊