好多家庭都會請工人姐姐去分擔家務，幸運的話可以請到個得力助手。相反，請著個「僱主勁敵」，可能因為執手尾仲忙過未請工人姐姐個陣，就算同佢哋慢慢討論工作上有咩可以改善，姐姐們都依然同以往一樣，態度照舊，真係你有你講，佢有佢做！
討論區熱話：分享一個工人姐姐臨返鄉下之前整蛋糕的真人真事
工人姐姐同各位JM嘅關係真係成日都聽，印象最深刻嘅，莫過於曾經有工人姐姐回鄉前將傭主嘅金銀珠寶收入蛋糕內嘅故事，唔知仲有無JM記得？其實除咗「蛋糕事件」，係日常生活中姐姐嘅一啲習慣都隨時令傭主「頭爆」，以下呢幾件事，你哋嘅工人姐姐又有無做過？又有無其他事令你最頂唔順？
「我發現佢原來起facebook，曾經粗口咒罵我！」
「佢煮餸煮成個幾鐘，洗碗又洗半個鐘。」
「工人姐姐永遠唔會同我哋講心㗎。」
討論區熱話：add咗工人姐姐facebook，發現……
懶惰
唔少JM都有分享，工人姐姐夜晚8點過後就會入房，即使廚房仲有好多碗未洗，出邊發生咩事都唔會再出現，照樣係房敷mask，分分鐘嘆過大家！其實請工人姐姐原意，就係想分擔家務，唔係要求姐姐做到半夜，但至少將未做完嘅家務都完成先休息掛？
講大話、態度惡劣
有無發現工人姐姐們有句口頭禪「I don’t know !」無論你同佢講咩，佢永遠第一句都係咁答你，再衰啲嘅更會黑面加駁咀。人誰無錯呢，錯咗咪認咗佢，好心好氣苦口婆心咁講道理，有啲姐姐會覺得係批評佢，感覺好似多咗個小朋友係屋企，講大話真係會好激心。
衛生欠佳
有JM 分享佢個工人姐姐去咗一日街，返到屋企唔沖涼唔洗衫，就咁掛係廁所。提醒返姐姐要洗，佢就用水沖兩沖就曬咗出街。 最近疫情咁嚴重，真係會令人好擔心，會不自覺諗平時佢哋喺點樣洗其他衫呢？
衣著性感
「隔離屋個男主人影給我看，她裸體在露台自拍。」當有鄰居咁同你講，真係心血少啲都搞唔掂，就算唔裸體，都有好多工人姐姐會係屋企著小背心熱褲……雖然衣著係個人喜好，如無大問題的話真係唔會干涉，但家中有老有嫩，著到咁性感，大家雙眼都唔知放係邊度好……
服從性低
有啲工人姐姐仗著自己係香港做咗好多年，幫過唔少屋企，你講嘅嘢佢會全部當耳邊風，做得好當然無問題，但最慘嘅係佢成日都會整爛啲電器、打爛杯碟、刮花傢俬，教咗一次應該點樣做都唔會跟，話有自己一套做法，仲話返你轉頭！
不過姐姐離鄉別井嚟到香港做嘢，背後都有唔少辛酸。始終文化背景不同，需要互相尊重、溝通同磨合。太過執著自己都會好辛苦。
