香港生活成本高，樓價更是貴絕全球，不少人傾盡家財亦只能買入數百呎的住宅單位。為了維持生活開支，雙職家庭愈來愈多，不少家長要依賴外傭照顧家庭和孩子。不過，外傭需求大，以致請人難，有港媽在網上分享被外傭嫌棄家中空間太小，邀請面試更遭到惡言相向，令她氣憤難平。
延伸閱讀：【好姐姐難求】為僱主著想願留家避疫 港媽感恩：多一個人錫囝囝
這名港媽在Facebook專頁「外傭僱主必看新聞訊息」發文，分享數年前聘請外傭的不快經歷。港媽與丈夫育有一子，3 人居於面積400呎的兩房單位，當年在網上表示有意聘請已完約的菲律賓傭工，並表明外傭需要與少主同房。之後，一名外傭主動留言表示有興趣，並約定於週末面試。
港媽在面試前，主動WhapsApp對方閒聊，「問吓佢舊屋幾多呎，睇下係咪做開400呎左右嘅屋」，結果外傭表示舊僱主的家有2800呎，她可享獨立房間連冷氣機，舊僱主更帶她到倫敦和意大利旅遊。
港媽於是回應指，如果她獲聘需要與少主同房，更沒有獨立大房間，怎料對方立即發爛，表示「從未說過喜歡為你工作」、「我還有其他面試」，更指是港媽一廂情願邀請面試。她貼出兩人的對話截圖，指出即使事隔多年，回想起這個經歷仍然覺得對方十分囂張。
帖文引起網民的熱烈討論，不少人批評外傭自以為是，「當正間屋自己買咗？」、「住豪宅又點，間屋又唔係佢嘅」、「佢當正自己係有錢人咁喎」。亦有不少僱主分享類似經歷，「我in過一個做開4000呎屋，成個過程似係佢in我」、「我工人之前住淺水灣豪宅，同我講以前出去買餸係有司機車嘅！」。
不過，亦有網民稱讚這位外傭夠直接，「唔好浪費大家時間、佣金、手續費、機票，雖然串啲，你原諒佢啦」。
