2020-02-17

2.7K

在職父母抗疫心聲!在家工作=困獸鬥? 網民:畀我靜下得唔得!?

疫情持續漫延,為咗做好防疫,難免為大家生活帶嚟唔同嘅影響,有人羨慕朋友可以在家工作,自己就要撲完口罩返公司,有人艷羨少奶奶朋友唔使做,喺屋企湊下小朋友,叫下外賣就連口罩都唔使用,但其實凡事都總有兩面,而作為旁觀者嘅你,或者永遠都只能睇到風光嗰面,固中嘅難處,實在係針唔拮到肉點知痛?

更多文章:疫症見人心!網民:一個口罩睇清楚好多人

總而言之,就係家家有本難念的經,無得比較邊個慘啲、煩啲同崩潰啲,好似一眾全職媽媽同在職媽媽面對子女停課嘅日子,簡直係過住非人生活,要分身照顧家務或者工作之餘,平日嘅休息時間仲要變身老師教小朋友做功課!

「我就快要整個人型1:1 紙牌頂檔!!我就嚟癲啦!」

「我朋友,又要home office,又要做幼稚園老師(細),做埋小學老師(大)一日打三份工,好忙。 」

「小朋友連題目都未識睇,咪又係搵着家長嚟搞! 」

「大佬呀,佢停課,我無得停工嫁,網上功課,即係要用電子奶嘴啦!」

討論區熱話:真係好憎停課不停學 
討論區熱話:FTM 湊2 個仔仔,困獸鬥,人都顛!

更多文章:孩子唔肯戴口罩有咩方法?網民都靠這3招!

除咗要分身做埋老師之外,在家工作嘅父母們,面對精力旺盛嘅幼童們,就更加頭痕!皆因喺幼童嘅世界入面,父母地位百份比亦相對較高,顯得更需要父母嘅關懷同照顧,見到平日陪佢吃喝玩樂嘅父母,一星期七日都喺屋企,其實佢又邊度識分你係返緊工!

經歷咗兩個星期嘅在家工作,面對住3歲嘅瘋狂鯊寶,鯊魚太得出少少心得,可以令小朋友稍稍配合你嘅工作模式,希望大家都用得著啦!

1. 固定工作環境

香港地一向都有土地問題,真係唔係人人都隨時有間書房,比你稍為放低阿媽嘅身份專心工作,而且有唔少人喺屋企都可能係用緊Notebook工作,貪佢夠方便可以周圍放嘛!不過若然係在家工作嘅你,鯊魚太就建議大家揀個固定位置,坐定定喺度做,咁樣可以令小朋友潛移默化式覺得你坐喺嗰個位,對住電腦就係工作中,同時都係個好榜樣,等佢知道要專心同坐定定完成應該做嘅事!

2. 訂立時間表

由於在家工作或者會打亂咗你平日嘅生活時間表,無論係起身同食飯時間,可能點都有啲唔同,呢個噤彈性嘅生理時鐘,喺小朋友眼中可能完全無辦法明白,睇見你可以隨時食飯,可能會令佢覺得其實你都可以隨時陪佢玩?所以即使係在家工作,最好都係有返個時間表,嘗試抽一啲中午「放lunch」嘅時間同佢玩,從而等佢習慣呢個模式;如果小朋友再大少少,其實仲可以搵佢陪你一齊制定彼此時間表,同桌工作或者學習,善用另類親子時間,仲可以訓練佢嘅專注力添!

3. 有效地回應孩子需求

喺在家工作嘅環境下,幼童或者會一直纏繞住你,希望父母陪佢玩,有時忙喺上嚟都真係幾煩,但下下答佢:「一陣先同你玩!」、「我做緊嘢!」、「我唔得閒!」,其實根本解決你哋彼此所面對緊嘅問題,因為大人呢啲無時間性嘅答案,喺佢哋眼中就只係:「父母唔理我!」,所以要有效地講啲佢聽得明嘅答案先係最好嘅解決方法,例如:「太陽伯伯收工,爸爸媽媽都收工咖喇!」、「你食完午餐,可以陪你玩一陣!」,總之係將時間具體化,用佢嘅語言同佢溝通!

【編按:以上內容為作者之個人意見及立場】

相關文章

【好物推薦】媽媽快速出門必備 全新Dyson Airstrait™二合一吹風直髮器 吹乾、拉直頭髮一步到位!

【內臟逆位】胎兒內臟逆位發病率增4倍 內地研究:疑與孕婦感染新冠有關

老公不給家用兼懶理小朋友 令港媽心灰意冷: 而家同偽單親冇分別!

【港識教養】共創共享家的幸福

緊貼新冠肺炎最新相關資訊