身邊既親朋戚友都陸陸續續開始結婚，結束愛情長跑。結婚係為左趕生小朋友，可能係為左唔做高齡產婦或者長輩壓力下趕生小朋友。其實真係好唔建議結婚咁快有小朋友。因為一切都變得不平凡。
結婚後我覺得一定要好好享受二人既生活。就算結婚前已同居生活，但到結婚後係兩回事。最好就係一齊去多啲旅行做多啲兩人一齊既回憶事情。之後回想番當年就會變得好難忘好享受想當年。。。依啲咪青春囉！！！
結婚後好多時太快有小朋友由女士方面而言，一生會經歷好多轉捩點。由女朋友變妻子再變成媽媽，生完想做Full Time Mum 定Working Mum又要轉變心態。好多時聽啲媽媽講，想等小朋友大左尋獲番當年既興趣，覺得自己一生只湊小朋友好大犧牲。想番工都唔寧願湊小朋友。
咁我會反問一句咁你又生？？？唔係諗清楚先決定生架咩？？？
生完自己唔湊咁點解要生？？？
生完唔知點湊就會迷失左自己好想逃避。而原因好多時就係結婚後太快生小朋友，無諗到做媽媽後付出比想像中多。
生小朋友要考慮既事真係好多。心身既問題未處理好都唔好懷孕，否則一定後悔。調理出好身體先懷孕好重要。懷孕反應會有不適。產前產後又會抑鬱。做左父母其實真係心理同身理變化都好大轉變。如果想生小朋友前真係要慎重考慮清楚。無謂有咁多避免到嘅慘劇發生。
講完咁多嚇人說話唔係叫人唔好生，只係希望大家要生之前請諗清楚自己係咪可以應付到。
當然有小朋友後每天都變得不平凡當中有苦有樂。見到小朋友快樂健康成長就算精神體力上既疲累都會蓋過一切幾辛苦都會覺得係值得。
