工作時泵奶，用多少時間才合理？有網民分享，自己一位同事每日要泵3次奶，每次花上1小時，致不夠時間工作，但又不願意OT，惹上司不滿。網民對此感到無奈︰「我哋勸佢又唔聽，日日活在上司炮火中，可以點解決？」
該網民在《親子王國討論區》以「辦公室泵奶風波」為題發貼。她補充，公司有一位在職媽媽需於工作時泵奶。她每日會泵3次奶，每次1小時，連同「食飯一個鐘，早餐半個鐘，一日上班時間9.5小時，計番工作時間只有5個鐘。」
正因如此，該泵奶媽經常不夠時間完成工作，上司要求她需於限期之內完成工作，她感到十分為難，向其他同事訴苦。惟發貼者都愛莫感助︰「我哋勸佢最起碼urgent嘅OT都要做咗佢，但佢唔願意OT，話掛住個仔要準時走。」
發貼者稱，公司上下的工作量都很大，加上上司最近受這事困擾，令同事慘受「炮火」。她希望其他網民獻計，商討應對方法。
有不少網民質疑該泵奶媽的時間分配，「有冇咁多奶泵呀，仲要泵成個鐘？」、「15-30分鐘乜都夠啦！」、「其實早及午，可以用自己休息時間，例如早點回公司泵咗先，用自己lunch時間，其餘才用工作時間，再補小小OT都可接受」。
有人又向她的上司表示體諒，「叫佢做番本份啫，上司同同事都有難處，好難長期遷就」，又擔心若因此而辭退該同事，或會因「家庭崗位歧視而惹上官非」。
不過有過來人亦表示理解該泵奶媽，「我自己都試過兩胎都在公司泵奶，又係早上，中午及下午， 但上司無唔鍾意」、「我試過泵一個鐘，因為有時壓力大，成日塞，要推鬆佢，一身汗，又一臉淚…如果同事之間可以，互相支持一下吧。」
