不用說，一定是順產對身體傷害較少。
雖然陣痛、見紅、穿羊水的時間各人有異， 我身邊幾位偉大母親都陣痛超過三十小時，其中一位的助產士見未生得，還建議她落樓下散步；另一位就建議她去玩Fit Ball，有助子宮頸張開，所以電視上見到話作動，入到醫院就生得，其實這種幸運情況不算常見。
不過，雖然等待和生產過程較長，但一般產後康復時間較快，而且可以較快出院。我那好友的妻子，產後兩日就出院了。另外，順產媽媽減少麻醉及其他藥物的使用，相對地亦能減少手術後的併發症，如過度出血、傷口發炎、感染等。而媽媽產後較清醒，可以馬上抱BB 及開始餵哺母乳，當然母乳中亦含較少殘餘西藥成份。
不過，順產媽媽可能都需要剪開少少會陰位置，令BB容易出來，所以產後會陰傷口需要時間康復，但傷口始終比開刀的小。
而順產BB會在他身體結構準備好的時候才出世，所以相對地較「足月」和健康，未來的日子相對較易湊 (如果餵哺母乳當然更佳)。BB好，其實已是對母親最好的事情。
當然，亦有因為不同原因需要剖腹生產的情況，那只好在其他地方做好 (如懷孕營養、餵哺母乳)，加強BB和媽媽的免疫力和康復能力了！
相關閱讀：
順產好定開刀好？ ( BB 健康篇)
