Fresh玫瑰面膜實在太出名～
所以呢個產品好用我都唔覺得意外。
Fresh玫瑰深層保濕睡眠面膜 70ml
呢款面膜好得意，一樽有齊兩隻質地，
分開Step one two 咁搽上皮膚上。
打開面膜蓋已經聞到陣陣玫瑰清香，
用嘅時候只要跟着步驟先用左第一呢邊：
玫瑰水啫喱
佢係琥珀色調、觸感清涼嘅啫喱狀精華液～
具鎮靜作用，敷上面會覺得涼涼地。
睇返說明話佢蘊含豐富的大馬士革玫瑰精華，能夠滋潤、順滑和強化肌膚的屏障。仲有透明質酸可增強柔韌度，令肌膚看來更飽滿。
第二步再用白色嗰邊面膜。
說明話面膜以定時釋放科技帶來絲滑的水潤霜狀面膜形成一層保濕面紗，
而月見草萃取鎖住水分，並時刻保持肌膚水潤。
我用上去覺得有少少青瓜味，
質地水潤，兩隻面膜一齊喺面上面有種好清新嘅感覺。
涼涼地又同時為肌膚不斷注入水份。
敷住可以好relax咁瞓覺，
第二日洗面後會覺得皮膚好滑。
依家開始成日開冷氣瞓覺，
敷左佢皮膚明顯冇咁乾。
同埋佢個味道質地都好討好我！
鍾意玫瑰味嘅一定要試一試～
