2.3K

【從頭開始】日系美髮師改造妙法!完美修飾包包面、大額頭

開心換髮型,唔開心換髮型,髮型轉換除咗可以改變心情之外,仲隨時可以改變面型同外觀,秒速由hea爆媽媽搖身成為索爆人妻!之但係髮型咁多種,樣樣都想試下嘅時候,有時真係令人陷入人生交差點!好似話...留咗長長頭髮唔捨得,剪咗瀏海又怕唔適合自己,但又返唔到轉頭?今次小編就特別搵嚟日本美髮師Yamato(yamato_takumi@instgram)嘅「變髮」魔術合集畀大家以作參巧,希望大家都可以喺疫情下Keep住靚啦!

更多文章:【2020 夏日編髮】6大氣質夏日編髮 實用教學大公開

狠剪煩惱絲

擁有一把長長秀髮,相信係唔少女孩子夢寐以求嘅髮型,以但係要保養得好確係唔容易,而且長長秀髮亦唔係適合任何人,歷年來都有唔少娛圈美人印證過呢個事實,好似韓國女星高俊熙咁,長髮時期顯得平平無奇,但以短髮造型示人之後,就即時好似易容變身咁,連人氣都幾倍晉升!特別係臉型較少嘅女生,被秀髮遮著半張臉,再靚都恍如《午夜凶鈴》入面嘅貞子咁啦!

更多文章:告別一頭亂髮 輕鬆打造完美髮型

瀏海的變奏

空氣瀏海設計幾年前喺韓國興起,及後潮流吹至整個亞洲,成為近年其中一款不退流行嘅大熱瀏海造型選擇,原因大概係因為空氣瀏海造型有減齡之效,而且令人有種楚楚可憐嘅無害感,最適合就係額頭比較扁平、唔飽滿嘅女孩子,增加額頭飽滿度,同時遮住高額頭!



更多文章:3分鐘化身潮媽 4種方便快捷編髮造型 

曲髮顯輪廓

以往曲髮造型總會比人較為成熟嘅感覺,不過嚟到2020年,輕熟女造型亦大有巿場,而且曲髮都唔一定等於波浪大曲髮,只要搵到適合自己嘅曲髮造型,更加可以突顯輪廓,特別係微胖女生,唔好以為長長頭髮就可以顯瘦,隨時會令整體感覺更累贅,反觀曲髮可能仲清爽!

圖片來源:yamato_takumi@instgram

【編按:以上內容為作者之個人意見及立場】

相關文章

【跟住小編做媽咪】全自購30件空瓶分享 真實評價嬰兒及媽媽護膚品!

【美肌教主Blog】忽略爽膚步驟 難以留住肌膚水份

【美肌教主Blog】初春增強肌膚活力動感 洋溢青春緊緻氣色必做的3個療程

【媽媽美肌教室】抗氧厚肌四寶 新年護膚攻略

緊貼新冠肺炎最新相關資訊