1.5K

【搭配2019】星級潮爸潮媽服裝搭配 陪大王開學點可以失禮!

做人父母真係甚艱難,嚟到8月,除咗要為子女準備開學,原來都唔可以完全「忘記自己」,總無理由小朋友靚仔靚女咁返學,自己就不修邊幅咁接送返學放學咖!不如依家就一齊嚟參巧下一眾星級潮爸潮媽嘅服裝搭配,或者可以畀到啲方向同靈感你!

 

更多閱讀:

【開學系列】 開學啦!學生證件相去哪裡影?

【開學系列】 15分鐘完成!返學簡易早餐清單!

【開學系列】3個步驟節省開學支出,和子女一起列出購物清單!

1/ 樂隊Mr.成員杜志烜Tom與模特兒太太何思諺及兒子杜卓霖

講到接送小朋友返學放學,無論係場合同方便活動嘅情況下,當然係以輕便為主,但若嫌打扮太過單調,又唔想過於突出,或者可以學下Tom同太太咁,戴返頂帽以作點綴。

圖片來源:Instagram @tomto1225

2/ 鄭希怡與女兒梁子柔

衣著打扮向來講究嘅Yumiko,周不時都會同囡囡梁浸浸襯到絕咁出場,要睇星媽搭配,當然唔少得佢啦!至於講到接送返學放學Look,相信連衣裙絕對係方便快捷之選。

圖片來源:Instagram @yumiko.chengy

3/ 梁詠琪與女兒祈淑菲(Sofía)

提到潮著星媽,Gigi梁詠琪相信都係個唔錯嘅參巧對象,呢位媽媽除咗打扮入時,仲推出個人兒童服裝品牌Nanos,款式真係令唔少媽媽心心眼!而接送返學放學Look方面,若果想稍稍斯文一啲,可以學Gigi以西裝褸,或者恤衫作為搭配主調!

圖片來源:Instagram @gigileungwingkei

4/ 黎諾懿與太太李潔瑩及兒子黎峰睿

講完潮媽,當然唔少得潮爸爸,雖然話爸爸嘅搭配選擇或者比媽媽少,但又其實唔係無選擇嘅,咁到底要點樣揀,先可以又方便而不失霸氣?或者就要參考下黎諾懿呢位新手爸爸喇!

以牛仔褲配搭白Tee可以話係最簡單之選,若嫌唔夠斯文,仲可以配上輕便恤衫以作點綴,不過呢個組合有一個重點!就係白Tee一定要夠白,如果洗到又殘又灰就最好唔好試喇。

圖片來源:Instagram @lokyilai

5/ 大衛碧咸與太太維多利亞及兒子布魯克林、羅密歐、克魯茲及女兒哈珀

如果數到最潮潮爸,國際名人大衛碧咸應該都係三甲之選,脫下球衫、換上便服,呢位曾經迷到唔少少女潮爸,除咗西裝Look之外,平日都會選擇以恤衫作為搭配重點,加埋對小白皮鞋,就更為醒神;至於入秋後,各位爸爸仲可以挑選唔同質料嘅外套作為亮眼位!

 

圖片來源:Instagram @davidbeckham

【編按:以上內容為作者之個人意見及立場】

相關文章

【秋冬搭配】日系媽媽教路!盡覽小豆色大熱秋冬親子裝穿搭

【萬聖節必睇】星二代出沒注意!萬聖節驚喜造型搗蛋出籠

【秋冬搭配】3款童裝必備!Chickeeduck 新店限時優惠

【萬聖節必睇】嘩鬼出動!10款萬聖節親子裝穿搭服裝

緊貼新冠肺炎最新相關資訊