平日女女要番學,出門嗰陣真係滾水淥腳,唔好話想幫佢扮靚靚,就連執書包都驚會執漏,所以每次女女個髮型都只求快、靚、正,乾淨整齊就任務完成!不過,嚟嚟去去都係馬尾、孖辮、丸子頭,女女唔悶媽媽都紥到厭,無理由浪費女女一把秀麗嘅頭髮。
更多文章:【髮型2020】AVEDA為秋冬紐約時裝週打造活力色彩
隨著新冠肺炎疫情,全港中小學幼稚園無了期停課,同女女相處嘅時間大大增加,自自然就想扚起心肝決定學番一門髮型手藝,務求將女女最靚嘅一面展現眼前!
近日Belle仔菇菇就周圍上網,睇吓啲人氣IG有咩可以參考,唔睇尤自可,一睇真係大開眼界。最令Belle仔菇菇印象深刻嘅係一個來自日本嘅媽媽,佢幫女女整嘅每一個髮型都極具特色,又會將小朋友鍾意嘅卡通人物造型融入髮型到,唔好話女女見到即刻話要試,就連大人見到都嘩聲四起!唔講咁多,即刻去相睇睇!
米奇與米妮系列:
米奇同米妮老鼠係仔女心目中人氣有幾高,相信身為人母嘅你一定知道,將呢2個經典角色擺上頭到,一定成為矚目焦點!
花花系列:
有邊個女仔唔鍾意收花?當年紀細細嘅女女日日都收到媽咪送嘅「髮型花花」,必定開心到飛起!
更多文章:【春夏2020】親子裝穿搭必備 8個不能錯過的高級兒童時裝品牌
心心與星星系列:
小朋友對簡單嘅圖案往往情有獨鍾,星星同心心呢類圖案自然磅上有名!
特色系列:
隨住潮流大熱同特別節日所炮制嘅髮型,羨煞旁人!
圖片來源: Instagram@choco_choco_012