不少大腳板女孩,喺選擇鞋方面遇到不同困難。時尚單品甚少大碼鞋款,雖然退而其次可以購入男士鞋碼,但造型上嘅範圍就極為局限。唔少場合例如婚宴、去靚靚餐廳食晚飯需要打扮一下,想挑戰穿上尖頭鞋去迎合氣氛,但發現雙腳迫到現哂腳趾型,相當醜怪。
不過,方頭鞋就可以解決一切問題!穿上方頭鞋不但可以令雙腳瞬間縮細,亦可以創造更多時尚感覺嘅造型!就同我一齊盤點大腳恩物嘅方頭鞋款啦!
方頭拖鞋、涼鞋
炎熱嘅天氣喺香港依然有段時間,短褲、短裙、背心仔呢種夏日單品,鞋款配搭一定唔少得拖鞋、涼鞋。一向常見嘅款式都喺圓頭設計,方頭款式更營造到時髦感覺,亦方便快捷咁出門口。
方頭高踭鞋
上班族大腳女孩,日常打扮都需要比較斯文整潔,想著得正式一啲但又唔想著對黑色高踭鞋咁老氣。方頭高踭鞋絕對係你哋首選!襯西裝裙、西裝裙有種大方得體嘅感覺,亦不再擔心跟同事開會時,同時因尖頭鞋過迫而分心喇!
更多文章:掌握日系髮型小顏術 修飾臉部線條 打造視覺上修容效果
方頭長靴、短靴
雖然天氣依舊炎熱,但相信有留意開日韓款式嘅你地,都已經發覺秋冬款式已經默默上架。方頭款式係日韓都大受歡迎,不論係短靴或者長靴都上咗日韓時尚榜頭幾位!秋冬配上乾濕褸或大褸,裡面配搭毛衣款式嘅裙,加上及膝嘅方頭長靴,即時性感又時尚!
方頭套腳拖鞋
有款鞋款比起涼鞋、拖鞋更方便,就係套腳拖鞋。一套就已經可以出得門口,節省更多時間。 已經不少時尚達人都將套頭款式帶入比較正式嘅場合,方便之餘亦不失禮。
別再因為大腳而困擾喇!亦唔需要只著男仔鞋碼! 只要配合適當嘅設計,大腳八都即時bye-bye!