我同和牛B都係甜品控，今次教大家做嘅呢款蛋糕，係用新鮮水果做主要材料嘅。食到食材最新鮮嘅味道，材料唔多，而且製作時間都好短，超簡單呀!!
香蕉杯子小蛋糕
材料：
香蕉一隻
雞蛋一隻
砂糖30克*
低筋麵粉60克
*香蕉本身都有果糖同埋香甜嘅，所以我落咗30克糖就比較甜，所以砂糖份量係可以再減少啲嘅。
做法：
1.香蕉磨蓉備用
2.將砂糖倒入雞蛋
3.用電動打蛋器打至企身
4.將香蕉蓉倒入 (3)，再拌勻
5.低筋麵粉過篩，拌勻直至無粉粒
6.倒入杯子裡，放入爐180°C焗大概15分鐘就完成了
**每個焗爐的實際爐溫或會有偏差，所以再烤焗時要留意。
我嘅試食專員分享，覺得好味，但係佢話好甜呀 
所以下一次再做的時候，我會減糖嘅份量。
蕉味好香，就算磨咗蓉都會食到少少蕉肉。
