大家都說撒嬌女人最好命，有助維繫伴侶之間的感情，那對於結婚多年的夫妻管用嗎？日前一位人妻在在網上討論區發帖，分享自己平日都會趁機向老公撒嬌，但對方總是無動於衷，或是冷淡回應，令其極為灰心，「c6唔領情.......撒撒下或者嗲嗲下，佢無反應就唔再做了」，於是人妻好奇問道其他網民會否向老公撒嬌，大部分人均贊成撒嬌有效維繫感情，自己亦經常這樣做。
相關討論：仲會同c6撒嬌嗎？
人妻在親子王國討論區以「仲會同c6撒嬌嗎？」為題發文，透露自己平日會向老公撒嬌，但對方總是不領情，「嗲下都嫌我阻住佢咁」令她心灰意冷，她舉例「有時唔小心整親或者𠝹到.....同佢講呢度好痛，佢話呢啲蚊飯算得乜野，之後指住自己手上嘅傷痕話，呢啲就係傷喇！」，事主更直言，如果之後再向老公撒嬌，但對方都依然無動於衷沒有反應的話，她就不會再做。
大部分網民都贊成撒嬌的女人最好命，自己閒時都會借機向老公撒嬌，「是每日的例行公事」，並指這有助維繫夫妻之間的感情，「做個撒嬌的女人好過做個惡『老虎乸』」、「有研究講過話兩夫妻成日做低B行為，感情會好啲㗎」、「梗係會，尤其無細路，更加要！」
更多文章: 【豬隊友日常】港媽呻老公寧打機唔陪小朋友玩：開始好厭倦同抑鬱
相關討論：仲會同c6撒嬌嗎？
只有少數的網民表示身同感受，指另一半對自己的撒嬌攻勢不為所動。另外有JM直言有目的才會使出撒嬌招數，會把自己裝作弱者，「佢又會呵返我，總之有佢嚮道我就係弱者，即係連紫菜都開唔到果款！但當佢返左工，我可以徒手去超市買兩包5公斤米行返屋企」、「通常有目的，都會撒嬌一下，例如想要加家用或者睇中咗嘢唔想比錢，佢好知道我嘅招數，但次次成功，男人受軟唔受硬」。
其實要好好維持夫妻關係並沒有一條標準的方程式，每段關係所需要的養分都不一樣，事主不用太執著老公的反應，而從此放棄撒嬌，一切順其自然就好，相信撒嬌的女人總比撒野討人喜愛，總有派得上用場之時，又不花金錢氣力，何樂而不為呢？
