相信不少夫婦於與親戚聚會時，最怕被追問「幾時生仔」等難答問題！不過就有網民分享「必殺技」，講完一句後，親戚們就不敢再追問了！
該網民於Facebook專頁「辦公室日報」分享其女同事與一次親戚聚會的經歷。女同事和丈夫於去年年初結婚，打算先享受二人世界，加上社會動盪，都想「睇定啲」未有生小孩的打算，豈料親戚們一人一句，展開「猛烈攻勢」！
「再唔生就變高齡產婦！」
「係咪想個仔第日同父母有代溝？」
「夠膽死板起塊面同我講女人唔生仔，點算係稱職嘅老婆呀？」
「你哋養狗會對BB唔好，啲狗毛會搞到小朋友敏感！」
女同事當時怒火中燒對網民訴苦︰「我同佢一年先見得一兩次……想我棄養隻狗，個肚係我嘅，人生係我嘅，幾時輪到佢指指點點呀？」
為求耳根清靜，當時女同事靈機一觸，用這段說話撃退親戚們的你一言我一語︰「由於間屋得一房，生完BB根本唔夠空間，我哋要換層大啲嘅樓，不過唔夠錢，希望一場親戚可以借啲錢畀我哋，之後分期慢慢還！」
其後，女同事還逐個親戚打去約飲茶，「想出嚟傾下借錢買樓啲嘢」，結果個個都拒絕稱「唔得閒」，連平時普通交流也變為零︰「我依家求其喺WhatsApp send個hi畀佢哋，班姨媽姑姐都腳震呀！」
此舉獲網民大讚有用，你又認為有否參考價值呢？
