小朋友年紀尚幼，有時或未能把握好與異性相處的距離，此時就需要家長悉心的引導。早前有港媽在社交媒體發文，指兒子上畫畫班時親吻了女同學的面頰，被女童爸爸目睹，隨即不滿地當眾辱罵負責接送男童的外傭，鬧到她委屈痛哭。港媽得知事件馬上到畫室了解，並代兒子向女童爸爸道歉，但她質疑對方是有心羞辱姐姐，特意拿姐姐出氣，事件引起不少家長熱烈討論。
根據傳媒報導，該名港媽早前（上月28日）在Facebook群組「表揚好姐姐開心分享區」發文，指兒子當天上畫畫班時，因為見到同學一時興奮，熱情地隔着口罩親吻了旁邊1名女同學的面頰，被該女同學的爸爸親眼目睹，隨即在走廊捉着接送兒子上堂的工人姐姐憤怒指罵了5分鐘，瘋狂斥責「點解唔睇緊我仔」。
被當眾大罵的工人姐姐嘗試向女童爸爸解釋，表示因畫室當時人多，加上要照顧年紀小的妹妹，十分難靠近哥哥，所以讓哥哥自行排隊進課室。惟對方並不理會解釋，在畫室走廊對着工人姐姐大聲責罵，姐姐頓時感到委屈，之後更哭了出來，只好致電通知僱主，「我姐姐不停喊住同佢講對唔住，佢就不停喺度鬧我姐姐。畫室外面仲有好多其他家長睇住成個情況，我工人立即覺得好委屈，俾一個男人大大聲指住個頭鬧。」
港媽得知事件後立即前往畫室了解，她深知自己兒子親吻女同學行為不當，主動為兒子的行為向女童爸爸道歉，但同時覺得對方態度有問題，認為即使其兒子有錯亦不應以外傭出氣或發泄，甚至質疑對方有心羞辱姐姐，「佢憑咩羞辱我姐姐？連我成家人都唔敢大聲鬧工人姐姐更何況佢？有咩事不能夠平心靜氣講，而用一個不禮貌嘅態度而去對待一個姐姐？」她指事後姐姐心情非常難過，不停詢問雇主「自己係唔係做錯嘢？」
帖文引起家長們熱烈討論，不少人認為工人姐姐非常無辜，批評女童父親反應過激，「小朋友有時唔識社交距離好平常，如果有日佢個女咀其他小朋友又點？同埋個爸爸當住小朋友面咁做，做晒壞榜樣，希望佢個女唔好有樣學樣啦」、「如果我小朋友俾人錫一啖我都會唔開心，但真係無必要去鬧人，言傳身教好重要。」、「女同學嘅爸爸本身人品有問題無教養，順手搵個佢認為社會地位較低嘅人出氣」。
不過也有人認為樓主兒子行為的確有問題，對方家長不滿亦無可厚非，「其實小朋友太細真係未知咩叫非禮，家長要教育，對方爸爸亦唔應該咁鬧姐姐…」、「經一事長一智，而家唔係追究爸爸鬧工人嘅時候，而係教好小朋友向人示好，應該係握手而唔係錫」。樓主其後亦回覆指，「我會好好藉住呢個事情，好好教導工人姐姐點樣處理咁樣嘅事情，同埋小朋友方面亦都會教導佢同人有適當嘅距離」。
