要經營美滿的婚姻關係，夫妻除了要互相尊重，對彼此忠誠更是最重要的一點。有人妻意外發現丈夫有嫖妓習慣，一直期望對方改過，怎末丈夫卻重蹈覆轍，令她決心離開，但卻萬分不捨，「心真係好痛，唔可以同人講好辛苦，一下子都唔知道點安排，用咗好多好多嘅日子去幻想佢會改，原來都冇可能」。
該名人妻在親子王國討論區以「雞」為題發文，指他與丈夫育有一仔一女，對方一向事業有成，外表不差，更是仔女十分尊敬的爸爸。去年底，她無意中發現丈夫有去夜總會消遣的習慣，甚至曾經嫖妓，對象更是個「大媽」，當時人妻的媽媽更因病離世，雙重打擊令她陷入絕望。
當時的她仍期望丈夫會改過自身，9個月後盡量忍耐，「等佢改，對佢可以改嘅都盡做」，怎料夜總會在5月中重開，丈夫又再度光顧，令她決心離開，「決定9月同個女一齊去美國，佢返學我就喺美國照顧佢，放低離婚協議書就走，唔想再聽佢講大話，唔想畀佢呃我會改，怕自己唔捨得又傷害多一次，所以自私啲一走了之。」
《夫妻的世界》劇照
她又透露，丈夫是一個生意人，為了顧及對方的生意，她不打算將兩人打算離婚的事件告訴家人，「因為如果屋企人知佢一定生意一落千丈」，但這個決定令她更感痛苦，「心真係好痛，唔可以同人講好辛苦，一下子都唔知道點安排」，又直言自己仍然很愛丈夫，「世上最痛苦真係莫過於你愛佢，但又要離開佢」。
人妻又表示，丈夫的事業有成、外表亦不錯，而她本人的外表亦維持得不錯，難以接受丈夫的行為，甚至因此每晚失眠，「自問有比佢開飯，亦自己都keep得好，點解要去叫G（嫖妓），重要係大媽」，她更認為如果自己一直都沒有發現這件事，生活一定很幸福，「可惜千萬個不可能，亦無用」。
現在她去意已決，於是向網民求助，「如何放底離婚協議書走？樓、資產全部我多過佢」。
帖文引起熱議，有人認為放下離婚協議書一走了之，意味著把決定權交給丈夫，對樓主未必有好處，「其實你內心都唔想離婚，想佢求你。呢幾年你安排好自己資產，要C6俾錢供埋個女讀書，最好買埋樓俾仔女，等個女畢業先離婚都未遲。」、「搵個律師, 只要你授權佢同你跟進離婚申請, 佢會代你辦理所有事。女人好長命, 你仲起碼有三四十年要過, 去美國沈澱下, 再從新出發！」
