你好, 我最近原本打算同朋友夾份投資國內舖位, 結果不成事, 現在手上多了50萬現金。
另外, 我國內有一物業, 我見國內物業升得比較急, 全球經濟及國內經濟將會轉差, 想在未來一年放左國內物業, 套回110萬左右, 請問你覺得現時放左國內樓好嗎?
另外我有個想法, 如放左國內, 套現110萬, 加手持現在50萬, 再同屋企人夾份, 合共200萬, 在香港買樓放
在香港買樓放租投資, 還是放在股票會有更好的回報呢?
因為我覺得衣2年個股巿會低迷, 是入巿的機會, 而股巿的波幅大, 可以先用200萬投資股票, 有50-100%的回報後
再用來買樓投資, 因為我衣家都係同屋企人住共屋, 怕爸媽百年歸老後, 而政府收回公屋, 怕日後沒有屋住, 所以長遠來講都想香港買物業, 你覺得我的唸法如何?
個案重點：
‧有$50萬現金
‧國內物業值$110萬
‧現時住公屋
重點目標：
‧想賣國內物業買入香港物業
‧想先買股票，增大本金再買樓
更多文章：【理財個案】 34歲想買入的士牌 依家適唔適合購入？
龔成老師分析：
以下是最理想的做法是這樣，但都要配合機遇，同時要有較高的技巧，不一定做到，但你可以視為一個方向。
國內樓現時略貴，好多地方的租金回報都好低，的確可以賣出，套現後再睇下有咩投資機會。
香港樓，現時的確出現中期調整，無人知會跌幾多，但我相信長遠仍然向上，所以，2019年、2020年，有可能是你的買樓時機。
這刻的香港樓仍有少少貴，而相對地，股市算是較合理。
因此，你可以先賣出國內樓，然後將資金投資股市，不要太進取，基本增值就可以，之後再將適當時機賣出，同時見到香港樓下跌時入市。
當然，情況不一定咁理想，但如果簡單進行，你賣出大陸樓，等機會買入香港樓，我相信是一個方向。
若然你有問題想向龔成老師發問，可在龔成的fb專頁中inbox龔成。
