一家四口，我41歲，丈夫43歲，
小朋友: 女兒七個月大，大仔四歲；
家庭總收入: 每月$80000
現金: $3,000,000
情況: 沒有樓但好想置業，亦礙於因為而家嘅樓價實在太貴， 我哋負心負擔唔起
依家我哋於美孚租住一個大概500尺嘅單位，租金每月$18000
奶奶住附近，唔請工人搵奶奶幫手照顧大仔已經慳慳慳
希望搬三房，舊些唔緊要，以租養租可以嗎?
樓市小陽春後升勢維持到而家3月，如果入市嘅話會否太輕率?
另外你對美孚新邨呢一個屋苑有咩睇法？
麻煩哂! 庸材上
ANSWER:
未有樓者還是買返間樓好，租客同業主關係此消彼長，有一間樓叫平盤，有多間樓收租才是穩當累積財富之始。未來三房價格定必再創高峰，政府偏向建細單位少出三房，將來按揭放寬很有可能是1500萬樓都做到八成，全部都係利好三房。讀者四人家庭仔女漸大，搬入三房只係時間問題，唔直上三房都先買兩房。
更多文章：疫情下40歲生意人好唔好再買樓？
樓市整體上升，不過樓市透明度相對低，搵到平又靚既盤仍然可以
1.有些業主放盤太依賴網上成交，土地註冊處公佈的成交至少都2星期前，或者更耐之前，開錯些少價既事不時有，只不過經紀一般只會將開錯價既盤比熟客
2.有時經紀為生意心急成交而減佣，經紀都有急要生意之時
3.同區有新盤開賣之時，客源被抽乾去睇新盤，二手市場更易見平盤
4.有客可能因時間過而將交吉盤用連約價賣
5.買左新盤或者先買後沽既換樓客須於限定時間賣出樓
6.需要售後租回既客戶，或者要特長成交期既移民客
7.收過一堆票唔肯簽既業主突遇到些人為新衝擊
不過都係個句，盤源就好似「暗網」一樣，有些盤是浮面比客睇，有些是收埋係底擺係暗網，可能連施老闆都搵唔到（當然應係佢費事搵）。
美孚知道舊，但都分3期，第三期新少少仲可30年按。近日有銀行將75-轉做70-，即係將批按年期減5年，好的按揭中介就會幫你搬去另一銀行再批。另外支票出糧者有些銀行開始要客比埋稅單，即例如3萬出糧者要有約36萬年收入在稅單，換言之「份工」要做夠一年。至於5成上會既樓，係未有半年租金收入之前，有銀行肯用佢市價租值當借款人核實收入，即你只要比夠5成首期就當人工唔夠計，可以拉埋新樓既租值當收入。
美孚另一好處是可以二改三房，一般做700幾萬，頂層或極底層可以600幾。手工好既師傅係直可以令改造後既屋好用點。例如有心機既師傅砌牆只用一層磚，無心機會用兩層磚。你明白砌兩層係可較求其咁疊上去，一層過就要搵尺度準了。一層磚令每間房大了更實用，更合讀者想慳錢住3房的需求。
早前網上有人稱荃灣西點會有8xx萬三房？話我2021年3月既video講錯價，錯定真就唔同網民爭論了，最緊要powerteam用戶睇價買到筍盤。荃灣西商場在疫情後近重開人流開始爆發，未來商廈數目上升，未計映日灣隔離既plaza88,在荃西工業區仲有2個地盤起緊，加上較鄰近港珠澳大橋及機場，確實有一定潛力，我遇過幾個後生仔都話荃灣西好好住，而我就覺得後生客係合既，想住得豪就開始要諗第度。讀者有300萬不妨動用當中160～180萬，八成上會買8至9百萬樓。荃灣西同美孚只隔一站，大哥在此兩地考慮。
