上次同大家分享過Bill Gate爸爸係點樣教出一個億萬富翁，今次就輪到介紹Bill Gate嘅育兒秘方。
育有2女1子嘅Bill Gate笑言「妻子Melinda Gates幫我做左好多，近80%嘅育兒工作都係老婆做曬，好彩佢無學我咁咋。」所以，好多關於Bill Gates育兒策略嘅訪問都係Melinda Gates上鏡。
Melinda Gates坦言道，對於我家的孩子，他們第一件要知道的事是「父母很愛他們」。
第二，他們人生的任務是找出自己的長處。不管他的擅長的是什麼，父母都會無限支持他們。而能否將自己擅長的事保持下去，就是子女自己的事了。因此，中意馬術嘅大女Jennifer一直係學馬術嘅路上受到父母嘅支持。大學選修人類生物學，更係反映左父母比左Jennifer係選科上嘅尊重與自由。而Jennifer亦無令父母失望，她成功入讀史丹福大學，又成為馬術運動員。Jennifer亦說道：「沒有父母的支持──不論在情緒上還是對馬匹，我將無法完成繼續（馬術）。無論大事小事，他們總能令我振作起來。」由此可見，Melinda所講嘅第一點都相當成功。
第三，儘管子女生於顯貴之家，Melinda Gates認為他們不但要了解自己的社區──發達的西雅圖，更要了解世界上不發達的地方，看看他們的生活是如何的。這種想法源自於他們兩夫妻的一次非洲行。
除此之外，Bill Gate家仲有一個規定──不許小朋友在14歲之前擁有手機。這源自於大女在小時候，因為無限制接觸科技產物而慢慢建立了一種不良的「機癮」。Bill Gate發現之後，馬上限制大女嘅「屏幕時間」（Screen Time）（即電腦、手機、PS4等等），而弟弟妹妹就要等到14歲之後先有手機用。（2016年報告：小朋友首次擁有手機嘅平均歲數係10歲）
最後，各位千祈唔好認為因為係Bill Gate，所以就認為佢地家嘅教法就會太離地。不論其細項，只看其精神嘅話，Bill Gate家著重嘅就係「愛」，亦正如佢主張嘅Love and Logic，感性和理性並重嘅育兒方法。呢種方法當然顯然係有Bill Gate爸爸嘅育兒影子──尊重子女的興趣。
但Bill Gate家不單單令子女知道愛、感受受，更令佢地去愛身邊嘅人，即便係在地球的另一端亦如是。
