2020-10-27

3.4K

【港識教養】搭飛機遇到百厭小朋友要體諒?乘客:父母盡力氹就會盡力忍

不少人坐飛機時都會擔心有小朋友或嬰兒在附近,令整趟飛機旅程要在哭鬧聲中渡過。有父母甚至會準備小禮物,交由空中服務員分發予全機乘客,希望能得到乘客體諒。早前有網民分享,自己曾在由日本飛往香港的飛機上,遇到好活躍的小朋友。雖然乘客都有些怨氣,但最後小朋友的童言卻令全機人捧腹大笑,網民表示明白身為父母的無奈,表示:「如果我見到佢哋父母有盡力去氹,我都會盡力忍耐嘅。」

更多文章:【拍住童你試】小朋友偏食大作戰 改變烹調方法即刻肯試兼愛上?

網民在「生仔要考牌系列」匿名投稿,指曾從日本回香港時,前面「坐咗個好活躍既小朋友,不停企上個位度(佢媽媽有幫佢除鞋),又不停扭計」。不過,她明白該程飛機搖晃不定,小朋友必然更感辛苦,眼見其父母已不停「氹」,只好忍一忍當無事。

當即將降落時,小朋友的吵鬧聲令坐在附近看人都有些少怨氣。但在降落當刻,飛機離心力極重,小朋友似乎嚇得不敢作聲,乘客內心擔心一落地時小朋友會嚇到大哭。豈料,小朋友只是大聲地說:「嘩!好正呀!好似坐跳樓機咁呀!」童言令全機人捧腹大笑,「啱啱忍耐佢嘈嘅怨氣一掃而空。」網民表示終於明白「點解有人會好想生小朋友,就算佢幾麻煩都好,有時佢哋帶嚟嘅快樂,的確係其他嘢比唔上。」

 

她又在投稿補充,雖然該位小朋友「好百厭」,但念在其父母有盡力改善問題,其他乘客都很體諒。而在街上見到不受控的小朋友時,「如果我見到佢哋父母有盡力去氹,我都會盡力忍耐嘅,因為我個人覺得好嘅父母都值得尊重,畢竟XX父母太多,好唔係必然。」不少網民留言,讚賞投稿者的耐性,也有身為父母的網民表示,「我都明白其他人唔係「老馮」要忍我個小朋友,喺我未可以控制到佢之前,我都唔會帶佢坐飛機或去戲院。」

資料來源:生仔要考牌系列@facebook


相關文章

【BB保險】愈早買愈安心?點幫小朋友揀保險?一Click比較全港醫療、危疾、儲蓄保險計劃!

【1-5歲教養】教導孩子「分享」,爸媽要知道的「分齡」法則!

【誤吞電池】女嬰進食時疑似鯁喉 求醫後揭誤吞電池燒穿食道

【家長注意】照顧嬰幼兒切記「3不2要」原則 一個動作好危險勿亂做!

緊貼新冠肺炎最新相關資訊