戒片係BB嘅第一件「人生大事」,無論對父母定BB都唔容易!唔少媽媽都話夏天係戒片嘅好機會,因為唔著褲仔都唔會凍親!既然天時、地利、人和都有齊,點樣可以幫到BB成功戒片呢?如果無辦法一舉成功,又應該點樣調節心情呢?親子王國為您搜羅BB如廁訓練經驗談,一齊為戒片片加油!
講到幫小朋友戒片,無論個過程係順利又或者嚴峻,都係每個家長嘅必經階段。而家講求小朋友嘅心理素質,顧全佢哋嘅自尊心,戒片唔可以太急進!咁到底又係咪可以由佢唔戒,一直著片返學呢?網民就著戒片分享經驗同心得,原來時機都係好重要!
詳細全文:【幼稚園入學】返學前要戒片? 網友:每個小朋友都有自己進度!
對於戒片嘅歲數,每個家長都有唔同睇法,並無一套標準。有啲家長因太心急,會因為小朋友戒唔到片而責備佢哋。家長對於遲遲無法成功戒片,當然會感到焦急,但其實唔需要太嚴肅地看待呢件事!有唔少網民傳授創意戒片方法,輕鬆地同小朋友進行如廁訓練~
詳細全文:【戒片戒到灰】同廁板做朋友都Work!網民親授戒片方法大全!
戒片係幫BB脫離幼兒時期最重要嘅一環,BB兩歲時父母就開始心急想幫BB戒甩尿片。坊間有唔少戒片方法,但對於我嚟講其實冇所謂最佳方法,因為每個小朋友發展、性格都唔同,冇一種特定方法可以對應到所有小朋友嘅。冇得急,冇得迫,唔好令佢對於戒片係一件反感嘅事,我哋只有配合佢哋成長而做好準備。
帶著未滿2歲的囝囝去幼稚園面試N班,最常被問到的是「小朋友戒咗片未?」當時還在努力想辦法戒片的我只能小聲的說:「努力緊!」老實說,外出有時候為了不麻煩幫小孩找廁所,一塊尿片就已經很快搞定,但這只會做成小孩不停依賴尿片上,不告訴你他想要去vee vee 了。