最近我就為二寶預備咗兩款至「營」嘅Superfood薯蓉同寶寶粥,健康有益之餘仲易於烹調,只需三十分鐘就可以食得架啦!營養豐富得來又美味,啱晒小朋友食用,即使係小JM都一樣啱食!每次整薯蓉真係要整兩份先夠佢地食,好彩部機容量1L咁大,咁先滿足到兩個為食妹!
更多文章:【我們HEA的家】九款坐月米茶+上奶米茶
羽衣甘藍蕃茄薯蓉 (7m+)
羽衣甘藍:含豐富維生素、鈣、鐵、葉酸和胡蘿蔔素,營養價值高
蕃茄:有豐富維生素A,有助維持呼吸系統健康同時仲有護眼嘅效用
薯仔:含有蛋白質、礦物質(磷、鈣等)同維生素等多種成分,維生素C係蘋果嘅10倍
紫洋蔥:蛋白質、膳食纖維以及鈣、磷、鐵、鈉等礦物質含量都比普通洋蔥高。仲有花青素,可以降低身體嘅發炎同過敏反應
材料:
羽衣甘藍 一小棵
蕃茄 一個
日本小薯仔 三至四粒
紫洋蔥 適量
更多文章:【孕期食譜】新手媽媽必讀!5款懷孕期間簡易家常湯水推介
做法:
1.) 先將材料洗淨,並將日本小薯仔及紫洋蔥切粒備用
2.) 蕃茄表面𠝹十字,再放水中煮滾以方便去皮,再去籽及切粒備用
3.) 羽衣甘藍以水沖洗乾淨並起出菜葉
4.) 將蕃茄、日本小蕃薯及紫洋蔥放入嬰兒食品處理器中,蒸煮20~25分鐘
5.) 將羽衣甘藍菜葉撕成小塊再放入滾水中稍為焯熟後撈起備用
6.) 待材料完成蒸煮後,將羽衣甘藍菜葉加入並攪拌,即成
^羽衣甘藍蕃茄薯蓉
呢款羽衣甘藍蕃茄薯蓉無論係二寶抑或係小JM都一樣咁鍾意食,味道香甜易入口,所以每次都要煮多啲,咁就唔駛怕爭食或者唔夠分!
更多文章:天然母乳Lotion.自己屋企都整到!
鮮淮山粟子寶寶粥 (7m+)
鮮淮山粟子粥係一款老少咸宜嘅養生粥品,味道帶甜,老人家同小朋友都喜歡食
鮮淮山:補脾肺腎而且益氣養陰,讓消化道系統運作得更好,亦可改善血糖
粟子:含不飽和脂肪酸,對心血管有益
材料:
鮮淮山 一段
粟子 八至十粒
白米 適量
做法:
1.) 將白米洗淨,並浸泡
2.) 將鮮淮山洗淨刨皮,切成小粒備用
3.) 粟子去衣,切成小粒
4.) 將鮮淮山及粟子放入嬰兒食品處理器中,蒸煮25分鐘
5.) 將洗淨嘅白米煮成粥,備用
6.) 待材料完成蒸煮後再攪拌,並加入粥略煮即成
^整多少少又可以下一餐加熱來食,好方便!