係小小豬嘅概念暑假就係要日日出去玩，佢話要輕鬆返下哦(所以我成日都話佢放假我就十級忙)，出街玩就緊係開心，不過亦都會帶點擔心，尤其係得我同小小豬兩個去街嘅時候，我真係會連去洗手間都唔敢，我認.....我係一名驚青媽媽。
其實之前小小豬都有用過一隻智能手錶，所以都有一大段時間我都減少左個擔心。不過，依隻粗手粗腳嘅小小豬一不小心就跌左落水，就係咁.....就冇左依個安全保障。
剛好係放暑假前收到公關姐姐送俾小小豬嘅禮物 - dokiPal兒童智能手錶，絕對係啱晒日日要去玩嘅小小豬呀(其實...好似係啱我多啲)~
對於我依啲對SETTING係完全冇研究嘅人，真係好怕要攪啲咩對點設施。但原來佢嘅用法都好簡單，只要係其中一位家長智能手機上安裝Doki Kids 依個app就完成第一步~
之後開著智能手錶，然後對接個QR Code咁就完成連接(因為涉及小小豬智能手錶嘅安全SETTING，所以我唔SHOW俾大家睇，不過相信一定係冇難度呀)。
基於安全為由，dokiPal手錶嘅程式預設就只可以由一位管理員(依個就當然係我啦)。咁我就可以管理及操作智能手錶內嘅設定，就好似可以係時間表管理、健康運動同埋一系列嘅設備管理~
當然其他人都可以透過管理員嘅應用程式設定~
就好似DADDY都DL左個APP，之後都一樣可以睇到小小豬嘅定位、訊息仲有語音同視像通話~
另外，亦都可以由管理員設定指定嘅聯絡人名單，只可以名單內嘅人任打出及打入，咁就可以避免接到不明來歷嘅電話啦~
dokiPal手錶支援Nano SIM卡，一插卡就用得，超方便呀~
錶面用上高達IP68防水防塵及採用康寧玻璃，咁就可以更加耐用同防刮花(依點絕對啱小小豬)~
內置精準智能定位，揉合了GPS、Cellular 及 WiFi 技術，所以就能準確定位。我都用嚟測試過好幾個地方，佢個定位都OK準呀~
我個人就最欣賞佢個SOS功能~
只要小朋友長按SOS，之後系統就會立即發出GPS定位比家長，唔止有位置仲會埋嗰60秒嘅聲音。我已經教左小小豬有咩事按完就即係大聲講出有咩危險事，咁有起事上嚟都可以多一個保障(當然唔希望用到呢個功能啦)~
另外，佢個安全區域都唔錯，只要管理員預先係應用程式上設置活動範圍，當小朋友唔係範圍內時家長就會收到即時通知，咁就能確保安全~
當然小小豬最鐘意嘅就係send message功能，佢好似whatsapp咁仲有預設公仔圖案、簡單字句選擇，就連voice message都可以send啦~
小小豬亦都好鐘意依個視像通話，成日都話要同Daddy視像一返，真係俾佢激C(咁佢個視像畫質都幾清嘅)~
智能手錶設有200萬像素鏡頭，所以佢影相同拍片嘅質素都唔錯呀~
坦白講，小朋友都係好奇心大嘅，所以一俾智能手錶佢就一定成日心思思想玩下，但上堂玩就唔係咁好。所以如果小朋友上課時管理員就可以開啟依個課堂模式~
依一刻小朋友就唔可以按任何功能，咁就可以專心上課啦(不過....落堂記得要關閉返個課堂模式呀)~
小小豬依家一出門口就會自動自覺戴上手錶啦~
其實手錶仲可以有漫遊功能，同埋內地模式，不過暫時未有機會試到，日後再同大家分享啦！
More Information :
Website： www.doki.com/zh-hant
Facebook：https://www.facebook.com/dokitechk
