【香港消息】藝人Bob昨日微博公佈自己第三度當爸爸,正式宣佈老婆懷有身孕,恭喜!
本身已經有兩個囡囡:霏霏、熹熹,今次阿Bob又再做老竇,心情當然靚靚!昨日下午就在自己的微博上公佈:「檢查完畢,可以講得喇!各位,我又做老竇喇!」
今次已經是第三胎的Bob嫂,之前誕下兩位活潑可愛的小公主,未知今次夫妻二人是否想「追番個仔」呢?
而不少網友、粉絲見到喜訊後亦都紛紛送上祝福和留言,圈中好友張繼聰、麥長青、江美儀、李霖恩等等亦有恭賀,當中同樣剛剛公佈喜訊的呂慧儀則話:「恭喜恭喜!《年代大激鬥》真係好旺場啊!」兩位準爸媽,恭喜,在此祝福寶寶都健康成長!
資料來源:新浪微博