報讀小學的步驟相當繁複，其中面試環節是展現孩子性格能力，以及家長育兒理念的良機，所以一眾家長和小朋友都會嚴陣以待，盡早開始做準備。
認清面試目的
所謂知己知彼，百戰百勝。家長為子女備戰面試前，最好先認清小一面試的目的。學校收到學生的報名表後，其實已初步掌握了學生的基本資料，所以面試其實並非想問資料或故意刁難小朋友，而是志在評考孩子的表達能力、性格、與家人的關係、應變能力、學術程度以及家庭教育方針，以評估小朋友和家長是否適合該校的教學理念與學習環境。由此可知，死記硬背「罐頭」答案，絕非備戰面試的上策，家長應透過日常生活多與子女溝通，教導他們基本的生活知識，鼓勵他們勇敢而有禮貌地表達想法。
小一面試常見問題合集
綜觀近年多間小學的小一面試試題，以下集合了120題小朋友和家長經常遇到的面試題目，家長可參照各種問題類型，嘗試融入生活，透過閒話家常的方式與子女練習。
1. 小朋友你叫咩名？
2. 小朋友你有冇英文名？
3. 小朋友你幾多歲呀？
4. 你喺邊度住呀？
5. 你讀邊間幼稚園？
6. 你幾時上堂、落堂？
7. 你今日乘搭甚麼交通工具來學校？
8. 你考到或者派到邊間小學？（叩門時或適用）
9. 放學後你鍾意做咩？
10. 你喺幼稚園最鍾意上咩堂？點解呀？
11. 你鍾唔鍾意呢間學校？
12. 你最鍾意嘅故事書？玩具？卡通片？食物？顏色？點解呀？
13. 你最鍾意咩玩具？點解呀？
14. 你最鍾意邊本故事書？可唔可以講嗰個故事俾我聽？
15. 你最鍾意邊套卡通片？點解呀？
16. 你最鍾意食咩食物？
17. 你最鍾意咩顏色？
18. 你有冇兄弟姊妹？
19. 你爸爸媽媽叫咩名呀？
20. 你爸爸媽媽做咩工作？
21. 邊個朝早叫你起身？
22. 邊個接你返學放學？
23. 你屋企有邊個同你一齊住？
24. 放學後，邊個幫你檢查功課？
25. 平日邊個教你做功課？
26. 平日邊個幫你喺手冊簽名？
27. 平日放學後，你會同邊個一齊，多數做啲咩？
28. 爸爸媽媽放工後會和你做啲咩？
29. 放假日，你會同爸爸媽媽去邊度？做啲咩？
30. 屋企咁多人你最鐘意邊個？點解呀？
31. 爸爸媽媽電話幾多號呀？
32. 試講出幾個港鐵站站名？
33. 港鐵車廂入面有啲咩唔可以做？
34. （給小朋友一個玩具鐘）問不同時間，長短針的位置。
35. 有咩交通工具淨係喺港島行駛？
36. 日常起居生活嘅正確習慣，例如食飯前、去洗手間後要做咩等等。
37. 香港機場喺邊度？
38. 過海可以用咩交通工具？
39. 過馬路時要注意咩呀？
40. 咩時候需要消防員嘅幫忙？
41. 中秋節會食啲咩？
42. 講出你對聖誕節嘅認識。
43. 講出你對農曆新年嘅認識。
44. 揮春上會出現咩字？
45. 一年有幾多個月？
46. 一星期有幾多日？
47. 每日有幾多個小時？
48. 一年有邊四季？
49. 試講出香港其中一條隧道名稱。
50. 超級市場同街市有咩分別？
51. 你知道邊位議員嘅名字？
52. 食飯前要做咩？
53. 對家畜和動物嘅認識。
54. 有咩動物喺住喺海入面架？
55. 有咩動物係食草架？
56. （舉手搶答）行政長官係邊個？財政司司長係邊個？
57. 當有緊急情況時，你可以打邊個電話號碼？
58. 如果你覺得身體唔舒服，你會點做？
59. 如果你喺地下執到五蚊，你會點做？
60. 如果你見到地下有個十蚊硬幣，你會點做？
61. 如果你好想得到一件玩具，但爸爸媽媽唔肯買，你會點做？
62. 你喺文具店看到一支很靚嘅鉛筆，你好想要，但爸媽唔喺身邊，點算呀？
63. 如果喺街上同父母失散咗，你會點做？
64. 在學校見到同學跌親，你會點做？
65. 在學校見到同學打交，你會點做？
66. 你自己一個嘅時候，遇到陌生人請你食嘢，你會點做？
67. 如果你喺公園玩嘅時候，有個陌生人話要帶你食雪糕，你會點答？
68. 如果父母咗接你放學，你會點做？
69. 如果你唔小心打爛嘢，你會點做？
70. 如果你有一部玩具車，你同弟弟都好鍾意，點算呀？
71. 有一隻螞蟻跌落河叫救命，咁啱有隻蝴蝶飛過，如果你係蝴蝶，你會點做； 又如果你係嗰隻螞蟻，跌落河會見到咩景象？
72. 在一幅圖畫中找出錯處。
73. 圖畫中有哪些不合理的地方？這些物件為何會放在這個位置呢？
74. 在兩幅圖畫之中，找出不同之處。
75. 讀出圖畫中某些事物或物件的名稱。
76. 請小朋友順序看數幅圖畫，看看在哪一幅圖畫時猜中圖中物件。沒有固定答案，只要小朋友有想像力能解釋便可。
77. 請小朋友畫一幅圖畫，並寫上題目和自己的名字，然後圍繞該圖畫發問。
78. 請小朋友畫一幅圖畫後，介紹作品。
79. 一幅畫中有小販在街邊賣小食，問小朋友在街買小食是否恰當。
80. 一幅風景畫，請小朋友指出各事物的位置和名稱，例如問太陽左邊是甚麼？屋前又有甚麼？
81. 一幅畫中畫有貝殼，請小朋友說出它的中、英文名稱。
82. 朗讀中英文書。
83. 要求小朋友把指定顏色的魚，從圖中圈出來。
84. 雙位數加法，例如30+7；連加法，例如10+4+2。
85. 個位數加法，例如3個蘋果加4個橙，合共有多少個水果？
86. 英文生字讀法，例如cat、apple、eyes、mouth以及顏色等生字。
87. 用火柴砌一幅圖畫。
88. 筆試做K2程度的題目，包括串字及看圖認中文字。
89. 玩拼圖遊戲。
90. 玩對對碰遊戲。
91. 玩敲打遊戲。
92. 做手工或勞作。
93. 一同畫畫。
94. 一同看書。
95. 聽老師指示做一些動作，例如左手碰一碰右手。
96. 請小朋友在白紙的左上角畫一圓圈。
97. 請小朋友在眾人面前講故事。
98. 請小朋友在眾人面前唱歌。
99. 請小朋友在眾人面前跳舞。
100. 請小朋友唱一首普通話兒歌。
1. 為何為子女選擇這所學校？
2. 對學校的期望？
3. 你對子女現在和將來有甚麼期望？
4. 請講述你對子女的教育理念。
5. 如何培育子女？
6. 怎樣為子女安排生活時間表？
7. 你希望學校怎麼教育你的子女？
8. 你希望學校教甚麼給你的子女？
9. 你怎樣培養孩子的閱讀興趣？
10. 你怎樣和子女溝通？
11. 你的子女最愛吃的食物？
12. 你的子女最愛的卡通人物？
13. 平日親子時間，通常會進行甚麼活動？
14. 放假時，會和子女進行甚麼活動？
15. 假日時，會帶子女到何處？
16. 你子女有哪些喜歡和不喜歡的東西或事物？
17. （問媽媽）你需要工作嗎？如有，怎樣照顧子女？
18. （問爸爸）你做甚麼職業？平日如何跟子女溝通？
19. （問雙方需要工作的家長）平日多應酬嗎？多回家吃晚飯？
20. （問雙方需要工作的家長）每日陪伴子女的時間是否多於一小時？
參考資料：教育王國
