嘩！原來新一年已經過咗差不多1/4啦！好快又到小朋友喜愛的復活節假期。雖然未到復活節，但如往年我繼續帶雜果沙律到迪士尼樂園參加「迪士尼巨星嘉年華」。
一大早雜果沙律帶著興奮心情入迪士尼玩。未入場，佢哋就話今年要破去年尋花蛋紀錄，誓要將100多隻顏色鮮豔嘅花蛋揾出來，逐一拍照留念。
果然好勁！ 今年佢哋一共揾到78隻花蛋，就算花蛋被隱藏於不當眼處也被佢哋見到。每見一隻就大叫話:「我知佢係邊個呀！」，又捉住要我哋幫佢哋影相，尤其見到自己喜歡的迪士尼人物，更加興奮！
今次我哋仲發現園內增添咗多個迪士尼故事雕塑伴隨色彩繽紛嘅春日花奔，就連一些售賣小車都圍上繁花，真係好靚，整個樂園都充斥着濃厚春日氣氛。雜果沙律當然忍唔住要係呢啲栩栩如生嘅雕塑旁邊影相留念啦！
每次入迪士尼，雜果沙律例必揾佢哋喜愛嘅迪士尼巨星集郵，因為佢哋節日著嘅新裝都好靚好吸引。今次我哋就跟Duffy同ShellieMay影相，佢哋件春日新裝都掛上各式各樣嘅花，配上七彩顏色，真係令人賞心悅目！
雜果沙律又集郵成功！
到中午，我哋去咗「迪士尼探索家度假酒店」嘅「芊彩餐廳」食Brunch。雜果沙律揀好主菜後，便立刻走到Buffet Bar拎食物，佢哋都被不同前菜、各種麵包、七彩繽紛的水果及飲品吸引住。吃完一輪清新美味嘅自助食物，我哋嘅主菜就奉上，雜果沙律嘅兒童餐賣相吸引，食也食得特別滋味。而我點的新豬肉薯餅味道好香口惹味，令我想一試再試呀！
食飽飽，雜果沙律就急不及待玩佢哋鐘意嘅遊戲啦！我地玩咗好多遊戲，呢一兩次佢哋兩個仲開始喜歡「灰熊山谷」，佢哋話好刺激，唔知遲啲會唔會要挑戰「沖天遙控車 」？哈哈！
玩到黃昏，我哋走到美國小鎮大街參加特別活動「迪士尼明星春日慶典」，多位可愛的迪士尼朋友著上春日新裝表演歌舞，氣氛非常熱鬧，雜果沙律睇到入神。想睇多啲，可以去文章未睇片呀！
講真，雜果沙律非常忙碌！又要掛住玩遊戲，又要揾花蛋，又要睇show, 又要跟著上春裝嘅迪士尼巨星影相，你話係咪好豐富呢？ 不過我哋仍然不忘走去睇最新迪士尼精品和毛公仔，件件都令人愛不釋手。尤其Duffy and Friends系列就更加可愛，顏色又靚，款式又特別，好多仲係香港獨家，雜果沙律不知幾希望搬晒返屋企。
由朝玩到晚，兩位小姐帶住疲倦和依依不捨嘅心情回家了。返到屋企仲不停講有咩好玩，又話下次幾時再去玩了。想睇更多今年迪士尼巨星嘉年華嘅花絮， 可以睇埋我剪嘅片段。
#迪士尼巨星都換上春裝
#園內充滿春日氣氛
#迪士尼巨星嘉年華
#CarnivaleofStars
