2018-09-04

1.1K

【小小豬新加坡親子旅】樟宜機場T3免費任玩瀡滑梯

由我地決定新加坡旅程開始,小小豬比我仲心急咁刨旅遊書,因為佢想知道有咩啱佢玩。經佢刨完又刨,除左佢嘅主目的地新山LEGOLAND之外,有一個地方係佢堅持一定要去,依個咪就係樟宜機場T3入面嗰一條免費任玩嘅瀡滑梯~

其實機場第三號客運大樓入面係有兩條巨型滑梯其中一條係有4層樓咁高(大約12米),佢唔單止係新加坡最高嘅滑梯,仲係世界上最高嘅室內滑梯

依條12米高嘅滑梯只要係機場內消費滿10蚊新加坡幣就可以免費遊玩一次,不過身高未夠1.3米就唔可以玩,所以....仲係"矮得得"嘅小小豬就冇得玩啦~

望落去又真係幾高,我諗瀡落嚟一定好激度不過年紀大唔嚇得啦,所以都係望左當玩左啦....哈哈哈~


咁小小豬又可以玩邊條?佢就可以玩係地庫二樓嗰條有1層半樓高嘅滑梯,依條仲係免費任玩呀~


小朋友只要乖乖排隊就可以玩啦~


場地都冇職員當值,所以都係靠小朋友自己自律,一個跟一個再按鍵入去玩啦~


雖然只係有大約4米高,不過我見小小豬都瀡得好快,佢瀡得好刺激呀~


睇佢次次瀡落嚟個開心樣就知佢有幾鐘意玩啦~


基本上新加坡嘅安全我都唔太擔心,所以我都係企定定一個位置等小小豬自行放電。不過我地可以係出發點望到個直播電視睇到小小豬瀡完嘅情況,所以更加安心俾佢自己玩~


就係為左依個瀡滑梯,我地預早左嚟機場俾佢玩過痛快依個懶玩豬真係好鐘意瀡左差唔多有十次先肯離開,為我地新加坡之旅作一個完美嘅句號...哈哈!(亦都因為放晒啲電,一上到飛機就連飛機餐都冇食,咁就一瞓返到香港啦)


【編按:以上內容為作者之個人意見及立場】

相關文章

小朋友3歲前去旅行有記憶嗎?3個習慣增強幼兒記憶!

【浴火重生】新加坡女歌手為救車禍男友闖火海致嚴重燒傷 歷經多月治療走出陰霾

出生時重量等同一個蘋果 全球最輕磅早產B女出院了

向學校請假帶子女去旅行,3項對小朋友的負面影響

緊貼新冠肺炎最新相關資訊