爸爸工作忙冇得一齊搭飛機去旅行，唯有玩下香港酒店啦！原來去本地旅行都會上癮㗎，繼上次玩完親子酒店後又plan緊去下一個喇！
今次我哋又去咗酒店玩半日喇，首先喺8度海逸酒店享用BBQ lunch buffet。食物款式都唔少，由沙律，主菜到甜品都一應俱全，我就最鍾意燒羊架喇，大廚燒得好好味呀！另外芒果千層酥都係我心水推介之一。
食飽飽後就去咗兒童室內遊玩區玩，遊玩區都幾大，足夠放電幾個鐘。場內主要有幾項遊樂設備包括電動車，特大充氣城堡，巨型積木及波波池，有職員定時清潔及維持秩序，唔怕擔心小朋友衛生及安全問題。
只想住一晚的話，平日2位成人連稅只需$4xx，呢個價錢係喺hotelscombined.hk搵到，以7月30日入住為例，高級城景房經永安旅遊預訂連稅只需$467，不過呢個係2成人淨房價 (如果好似我咁小朋友只係2歲幾或以下，無需嬰兒床，一般都不另收費)，但係如要用餐需要再額外加錢。
圖中房間為豪華房，與高級城景房不同啊
就算住宿與否，只要惠顧餐飲服務都可以玩室內遊玩區，喺地下前檯買飛就得，半日券$150，全日券$180。(包1大1小)
另外，如想食BBQ lunch buffet可click以下連結購買，會有8折優惠啊！
原價：港幣$440.0/成人，折後價：港幣$360.0/成人
原價：港幣$393.8/長者，折後價：港幣$322.2/長者
原價：港幣$327.8/小童，折後價：港幣$268.2/小童
以上價目已包括以原價計算之加一服務費
↫↫↫↫ jαsmínє & mαmα ↬↬↬↬
除咗可以散買之外，酒店都有提供住宿套餐：
夏日’Somemorefun’平日住宿套餐$1,180起
包括1晚住宿、2位成人及1位11歲或以下小童免費享用自助早餐，奉送1位成人及1位小童之室內遊玩區入場券﹙半日﹚。
夏日’Somemorefun’週末住宿套餐$1,780起
包括1晚住宿、2位成人及1位11歲以下小童享用免費午餐燒烤放題；還有1位成人及1位小童之室內遊玩區入場券﹙全日﹚。
訂房/查詢: 電話: +852 3900 3000
備註:
• 房客可免費享用酒店健身中心、室外游泳池、兒童游泳池、旋流浴池及桑拿
• 房間價目需另加一服務費及適用之政府稅 (現時政府稅為百分之零)
• 客房必須預訂及確認需視乎供應情況而定 • 優惠附帶條款及細則，詳情請向酒店查詢
室內兒童遊玩區注意事項：
• 進入遊玩區前，所有參加者必須經過酒精消毒程序並穿上襪子
• 遊玩區適合3歲或以上人士獨立參與；3歲以下小童必須由家長從旁協助試玩
• 遊玩區設小童高度限制﹙140厘米或以下﹚
• 每部電動車每次只適合1名3-10歲及身高介乎80厘米至140厘米之小童使用
本文章發表的內容純屬個人意見及分享，如需協助或希望獲得更多有關產品資訊，請直接聯絡該品牌查詢或。
如引起任何損失或法律糾紛，本人概不負責。
