2019-09-14

2.6K

超正沙灘?(多款遊樂設施+水清沙幼)

去過唔同既沙灘,我覺推介指數最高既係《愉景灣沙灘》。星期三既下午黎到沙灘,好少人喔~

行去沙灘時,見到好多七彩小屋同櫈(不過d屋有條膠帶圍住,唔知係維修定未開放?)

繼續行就見到“救護站”(留意:呢個沙灘係無救生員當值既,不過就有個救護站),

行過d就見到一排沙灘椅連太陽傘,大約有五六十張,可免費使用喔~隔離就係遊樂場,好難得見到沙灘有遊樂設施,仲要唔少添

有3款唔同既鞦韆,每款各2個。

滑梯有兩個,一個係行樓梯上去既膠滑梯,適合任何年紀玩,

而另一個鋁滑梯就適合年紀較大既小朋友,因為要擒繩網上去,

吉試爬左四五次,最後撞到個下巴後就放棄左?(雖然烈日當空,竟然個鋁滑梯又唔會熱到辣patpat玩唔到喎)。

搖搖板有兩個、

仲有幾款我唔知點玩既遊樂設施?,

最後最吸引人既就係~~~~飛索滑道?!!由於吉未識自己玩,所以吉爸就抱住佢玩,不過我覺吉爸玩得開心過吉?

至於游水方面,記得要喺防沙網裡面玩沙游水,因為防沙網以內好少碎石,水都幾清(仲有三四個人喺淺水地方捉魚仔添?),但防沙網以外比較多碎石,一定要著沙灘鞋喔~

玩到太陽落山就去沖身,沙灘後方就有9個直立式花灑頭可用,

隔離就係更衣室,但注意!!更衣室冷氣超凍❄?!!!!所以吉無入更衣室因怕冷親,佢沖完身就企隔離著衫~行返出少少就有6個水喉位可以沖腳~沖走d沙先離開沙灘~

我地離開沙灘,就去左愉景灣商場求其揀左間韓國餐廳晚餐,喺商場用餐後(指定餐廳消費滿$120),記住去“免費交通服務台”嘟一嘟八達通,咁就可免費搭巴士去東涌或欣澳或搭渡輪~

交通:朋友建議我地喺欣澳搭巴士DB03R去愉景灣,因為欣澳會比東涌近少少,但由於我地想一齊食埋野先入去,可惜欣澳無野食,所以我地就喺東涌東薈城一班人食埋lunch先入去,就搭巴士DB01R,車程大約10-15min~

【編按:以上內容為作者之個人意見及立場】

相關文章

【身心動力】富通保險呈獻:躍在維港#PowerUp 全港首個海上遊樂場 為每個家庭注入身心動力

【生仔要考牌】家長拍片餵1歲女兒飲啤酒 遭網民炮轟「無腦」

城市中的一片綠洲:K11 MUSEA 設多個戶外空間 室內空氣質素媲美醫院水平

Man Man的在家繪本教學 — 拔蘿蔔

緊貼新冠肺炎最新相關資訊