大自然是讓小朋友「放電」的最佳地點，簡簡單單有個大草地，小朋友已經可以玩得好開心！3月9-10日嘅《鬆鬆Soul戶外市集》於元朗一個農場舉行，大片草地上除咗會有各式各樣嘅攤檔，仲有親子工作坊、營火晚會同音樂、畫畫等藝術表演，而且免費入場，係一家大細親親大自然嘅好時機！
多個親子工作坊
今次市集名為「鬆鬆Soul」，顧名思義希望大家放鬆心靈，悠閒玩樂。兩日嘅户外市集共有50多個攤檔，包括人手編織飾物、花草茶、手工護理、天然水晶、星相塔羅、環保物品、手工製作品、咖啡等。
而市集的另一邊，將設有多個體驗工作坊和表演，包括：親子茶果班、環保玻璃瓶多肉植物製作、天然身體彩繪、即場大型塗鴉製作等，亦設有聲頻治癒體驗，由頌缽銅鑼的聲音尋找屬於自己嘅頻率，以平靜心境。晚上仲會有平日難得一見的野外營火晚會！小朋友見到營火一定好興奮，家長記得要注意佢哋安全呀！
自備餐具 減少浪費
主辦單位呼籲大家自備餐具同器皿，希望大家可以養成自備餐具嘅習慣。今次活動亦會採用可回收物資，以減低廢物棄置。
《鬆鬆Soul戶外市集》
日期：9-10 MAR 2019 (Sat-Sun）
時間：1pm-9pm (Sat), 12pm-5pm (Sun)
地點： Lohas farm綠活城鄉 @錦上路站C出口
