對於荃灣再上嘅區域，我哋只係略知一二，認真孤陋寡聞。
講到屯門，淨係知有個較大型嘅廣場響屯門中心囉！
感謝領展嘅邀請！令我哋大開眼界！
H.A.N.D.S、蝴蝶廣場同良景廣場合辦「全家玩轉外太空」慶祝萬聖節，活動當中不但有特別嘅佈置、嘩鬼嘅氣氛，仲有豐富精彩嘅遊戲等住大家。
就等我哋帶大家率先去體驗一下啦！
H.A.N.D.S位於屯門安定邨，由1980年開業至今，翻身後已經變成為多姿多彩、活力十足嘅超級廣場喇！
H.A.N.D.S畀我哋嘅第一感覺係有別於一般屋邨商場，設計和佈置上都落足心機~
就連玻璃門上嘅細緻位都花盡心思，十分欣賞！
話明「全家玩轉外太空」，當然可以想像到設計會同太空有關係啦！
登...登....！呢度就係「星球總機地」喇！南瓜飛船、太空機地，仲有可愛嘅外星人，就好似置身於外太空一樣呀！
我哋都去認識一下唔同嘅外星人囉！分別有代表蝴蝶廣場嘅蔬果星人、良景廣場嘅美食星人，當然仲有H.A.N.D.S嘅親子星人啦！
Hello！大家好！^^
晴朗發現佈景嘅一角可以即場玩拼拼樂，鬥快搵出最多pair相同圖案就算嬴~
一齊嚟考考記憶力，接受挑戰囉！
集郵時間到！晴朗唔會放過任何一個，真係一個都不能少~ XD
每一個都咁有萬聖節氣氛，呢度相信會係今個萬聖節嘅打咭熱點呀！
嚟到「外星尋寶夾夾樂」，可以考考眼界，除時可以帶埋外星牛牛番屋企㗎！
朗朗好犀利！一夾就夾中喇！但晴晴就爭少少，本來夾中咗之後跌番落嚟！
唔緊要啦！等爸爸出馬~ Ready! Steady! GO~
YEAH!!! 晴朗爸爸好手勢！一人一隻唔駛爭喇！^o^
*憑有效即日電子機印發票可於10月份期間的周末到H.A.N.D.S參加，有機會帶走商戶優惠券及可愛小牛公仔回家去！
晴朗仲興致勃勃帶埋牛牛漫遊外太空添！哈~
位於H.A.N.D.S - H區3樓嘅戶外空中花園佈置咗一個「銀河星光花園」，唔同顏色嘅星球造形彩燈將親子、蔬果同美食外星人重重包圍住呀！
又係集郵好機會喇！快啲擺出唔同姿勢，同外星人一齊開party囉喂！~
附近嘅兒童遊樂場竟然有一個同我小時候玩過勁相似嘅攀爬架，不過係迷你版，但啲童年回憶突然番晒嚟！*o*
十足十番咗去六七、十年代咁呀！不變嘅係小朋友嘅笑容一樣咁燦爛~
呢度仲有瀡滑梯玩添！啱喇！放咁啲電，今晚可以好瞓啲喇！^^
嫌未夠喉？可以去埋H.A.N.D.S N區1樓嘅Aloha Gecko室內遊樂場大玩一番~
晴晴一入場就已經好似馬騮咁紥紥跳，興奮到不得了喇！
嘩！仲有無敵嘅波波池，小朋友又點會唔尖叫丫？*o*
落到波波池就好似在海中暢泳一樣，晴晴使出不同泳姿，好搞笑呀！XD
終於游到岸邊，睇佢幾有滿足感？^^
再到唔同地方挑戰一番，小朋友實在係精力無界限呀！
咁大級樓梯都難唔到佢，果然為求達到目標可以不顧一切~ XD
朗朗就一於少理，由入場到而家都埋頭苦幹做小小建築師，開正佢果範啦！
晴晴都嚟試下建造出唔同嘅道路畀啲波波試行~
建築物已經好幾次起好咗又散晒！但朗朗依然唔介意重新起過，砌積木真係幾好！可以培養埋耐性同毅力~
晴晴都好落力幫手收集建材㗎！不愧為好幫手！
臨走前仲要過波波池度玩跳水，真係服咗佢喇！
不過波波池對小朋友嚟講又真係有神奇嘅吸引力！盡情感受被波波圍困嘅感覺啦！
Aloha Gecko另外設有一個區域係畀細啲嘅小朋友玩~
呢度有木制嘅小型遊樂場、廚房同一啲益智玩具，細個啲嘅BB豬響度玩就啱晒啦！
玩到餓餓哋，不如過對面間餐廳食番個下午茶囉！(肚子打鼓mode)
Gusto樂天廚房外面有幾架呠呠車造形，而裡面則有兩大塊畫上咗好多可愛粉筆公仔嘅黑板，設計得童趣萬分！
晴朗等食期間同兩隻牛牛玩到癲晒咁！有伴真好呢！
唔好以為餐廳只注重外表，啲嘢食都有水準㗎！淨係睇佢塊西多士內裡有花生饀就知道廚師對食物有要求喇！
我哋嘅五臟廟要啟動囉！~
食飽仲可以過去餐廳嘅遊戲區玩添！玩全部都係玩，全部都係玩，今日真係爽呀！
有時候唔需要太計較小朋友從遊戲中學習到啲咩嘢！總之享受玩樂嘅過程就已經夠啦！
之後又去咗冒險樂園玩，簡直係玩不停呀！
好幸運夾多咗兩隻公仔，仲要係我哋熟悉嘅澳門Planet-J角色之一「魔石寶寶」，開心到震！
經過珍寶珠機又話想玩下喎！小朋友嘅錢咪就係咁易賺囉！^^'''
玩兩局就贏咗五支，似乎今日運氣都唔錯喎！*o*
還掂都未嚟過，不如四圍行下啦！
晴朗行書店並唔係睇書，係睇精品囉！^^'''
畀朗朗發現咗間lego店，仲唔即時心心眼咩？*o*
就連文具店都唔放過，不過啲嘢又幾新奇有趣喎！
Window shopping過後，我哋再到「銀河星光花園」，原來夜景靚好多呀！*o*
繁星點點，就好似走進銀河系之中，既神秘又浪漫，啱晒情侶嚟selfie啦！
H.A.N.D.S連同附近嘅蝴蝶廣場同良景廣場可以話係集食、玩、買於一身！
完全係預料之外！
我哋同晴朗都玩得好開心！又過咗一個愉快嘅family day喇！有興趣嚟玩嘅朋友要留意！H.A.N.D.S室外空中花園會響萬聖節周末(10月28日至29日)舉辦親子喜年華，有攤位遊戲玩，而且費用全免㗎！
大家可以幫小朋友裝扮一下，化身為可愛小嘩鬼，到時一定會好熱鬧同充滿萬聖節氣氛啫！
最後，要提提大家！如果響商場碌咭消費滿100蚊或以上，唔好唔記得去換領抽獎券喎！
奬品包括有4K電視、家庭電器、智能手機、樂園門票及商戶現金券等等，好豐富呀！今個月一於帶埋小朋友嚟到屯門H.A.N.D.S，一齊玩轉外太空，過一個溫馨熱鬧嘅親子萬聖節啦！
精華片段：
「全家玩轉外太空」慶祝萬聖節
日期：2017年10月13至31日
時間：10:00 ~ 20:00
地點：領展屯門H.A.N.D.S、蝴蝶廣場及良景廣場
網址：http://linkhk.com/tc/promotion/184?ppt=1
