今次介紹嘅公園，並非超大、超多嘢玩嘅兒童遊樂場。
我今次主要想介紹九龍區位於九龍城嘅東頭邨，屋苑入面有舊式嘅鐵皮滑梯組!!
公園嘅設施，大部分都係由鐵製成。最特別就係呢條鐵色嘅滑梯，我細個特別鍾意瀡鐵皮滑梯，因為冬天瀡膠質滑梯會有好多靜電，電到我好痛!! 而鐵皮滑梯就唔會，反而好好瀡，又快!!
夏天玩滑梯無論膠質定鐵皮都會熱辣辣，所以對我嚟講夏天無特別影響~
公園嘅遊戲組都係有連繫嘅，有兩組滑梯，另一組係膠質嘅。
和牛B係第一次瀡鐵皮滑梯，覺得好好玩呀~
遊戲組嘅設施有攀架遊戲，好多設施都係可以鍛鍊小肌肉嘅。
仲有搖搖組合
兩組不同的爬梯。
較高的膠質滑梯。
而旁邊還有一個小公園，有滑梯組。
沿路行去新蒲崗方向，仲會見到綠化咗啟德明渠。
綠化咗之後，靚咗之餘，仲無咗臭味。
地點：九龍城東頭邨 (近旺東樓)
前往方法
九巴：1/ 11K/ 2D/ 10
小巴：39M (樂富站開出)；25A & 25M (九龍塘站開出)
--------------------------------------------------
Facebook專頁: 和牛B嘅成長專頁
