好開心！全職媽媽我又放假！今次仲拉埋兩個姨甥女去玩，去邊到？去左剛在一月尾新開的「一田超市（葵芳）」！
一田為左慶祝新店開張，與日本京都府合作，係新都會廣場變成一個小京都市集，有多個京都百年老店，賣京都名產和工藝小品，仲有多個京都傳統工作坊，Timtam媽媽有幸中獎參與其中一個「抹茶拉花」的活動！
場地佈置成小京都一樣，還記得第一次去日本就是去大板加京都，和老公穿著和服行清水寺，影左好多靚相，下次一定要帶埋Timtam仔再去一次！
大會請來遠道而來的日本茶藝導師，吉田美惠小姐，亦請來即場翻譯為我們講解，導師先講述一下抹茶的歷史背景，種植的地方，如何制作抹茶等等資料，讓大家對抹茶有更深的認識！
之後，導師就示範如何制作抹茶，和如何拉花：
1. 首先要制作一碗薄茶，用作拉花之用，用1g抹茶粉加5g的開水（常溫水）
2. 用茶拂快速m字的手勢把茶粉和水攪拌
3. 攪勻後仍會有小量泡泡，用8字手勢輕手把泡泡打散
4. 再用另一碗制厚茶，用來打成厚厚的泡面
5. 厚茶的份量為2羹抹茶和5ml的水
6. 跟第2和3的做法一樣
7. 用先前的薄茶，用小工具把深色的抹茶，在抹茶泡泡上畫上自己喜歡的圖案
示範完畢，就到我地自己試下玩喇！
原來要將抹茶粉打得勻至起泡都唔容易，90後表示打到手很累！
導師很用心指導兩位90後00後妹妹，佢地都很認真學習！
抹茶打好之後的樣，我打得不是太勻，不過泡層夠厚就可以了！
之後就可以用工具在泡層上面畫公仔，我畫了Timtam仔，似唔似呢！哈哈！
導師和翻譯靚女都好好人，不斷幫在場朋友影相影合照！
我地最後畫左同一個公仔，大家覺得邊碗畫得最靚？
之後當然要試下自已的手勢啦！大會好細心送上日本和菓子比我地送茶飲，香濃的抹茶加上甜甜的和菓子，味道剛剛好，好好飲！
最後大會仲送左日本京都的手製小錢包比我地，卡哇兒呢！
工作坊完畢，我地就去市集行下，好多京都有名的食品買，雖然價錢貴左少少，不過唔洗飛去日本就可以買到當地食品，就已經抵返啦！
呢個抹茶芝士蛋糕係京都好出名，而且好好味！如果你係京都冇食過，今次一定要買黎試下！我和老公真心推介！好好味！
仲有好多其他特色食品，如抹茶團子：
鯛魚燒：
三文魚昆布小魚飯素：
京都工藝品：
日本各式酒類：
今次上完工作坊，對抹茶控的我來說，的確對抹茶有更深的認識！由種植到採摘到製作，日本人都有嚴謹態度！今日的活動亦勾起我在京都的回憶，還記得在清水寺食過一杯宇治抹茶雪糕，香濃抹茶加上軟滑雪糕，一試難忘！
大家有興趣不妨黎一田超市（葵花站）行下，「一田╳京都の祭り」開張限定祭典，食買玩日式市集至到2月19號咋！
~*~*~*~*~*~*~*~*~*~*~*~*~*~*~*~*～*~*
Facebook: Timtam仔的成長日誌
