之前帶小小豬去澳門威尼斯人「體驗夢工場」冰之歷奇冰雕展，睇亞洲最大型嘅室內冰雕展！
展覽館內的氣溫只有零下8度，所以我都做足準備，幫小小豬帶埋冷帽又帶多一件背心羽絨，入場就著多一件大會羽絨，咁就唔怕冷親啦~
大會都會為我地免費提供雪褸，現場所見都有好多唔同尺碼，所以大人小朋友都可以有合適嘅褸，當然....如果有需要都可以幫備私伙衫。另外，場內都可以免費儲放個人物品，咁就唔洗一袋兩袋咁睇得唔盡慶啦~
冰雕真係好靚！全部都係色彩繽紛冰塊，再搭配合燈光及音響效果，真係好睇到我同小小豬嘩嘩聲呀~
今年展覽就以有七個「體驗夢工場」的動畫主題展區，分別展出了「功夫熊貓」、「荒失失奇兵」、「史力加」、「馴龍記」、「古魯家族」以及「魔法精靈」。
夢工場活動又點少得「荒失失奇兵」，成班動物朋友真係好神似，十個正呀~
「魔法精靈」場景相信就係最多小朋友鐘意地方~ 因為有條好靚嘅冰梯可以俾小朋友瀡呀~
當然唔可以少左「功夫熊貓」一眾主角，小小豬仲扮佢地打功夫添(不過...又真係唔係好似呀...哈哈哈)~
嚟到最後一站「史力加」，小小豬話最鐘意依個，因為有佢鐘意嘅「綠色人仔」同豬仔~ 
場內仲有地方可以玩，有主題餐飲美食區同紀念品專區~
場內仲有地方可以玩，有主題餐飲美食區同紀念品專區~
「體驗夢工場」冰之歷奇冰雕展覽
日期： 2017年3月16日至7月9日
場地： 澳門威尼斯人金光會展F館
時間： 上午11時至晚上8時(最後入場時間為晚上7時30分)
