剛完結的三日連假，
最後一日天竟然係大晴天，個天仲好靚，
即興安排一趟快閃自駕遊。
更多文章：【親子好去處】夏日郊遊必到西貢赤徑！入門級親子郊遊徑
馬草壟藍屋仔
之前網上睇到上水馬草壟呢個地方，
有壁畫有池塘，決定揸車去睇下，
今次路線近媽咪，約埋媽咪一齊去行下。
今次我哋以馬草壟藍屋仔為第一站
位置真的不算方便，但附近有小巴站，
亦有很多人騎單車經過。
屋仔嘅壁畫的確幾可愛，
環境都好舒服。
之前呢度好似係餐廳，可惜已沒有營業，
但到此一遊都唔錯。
古洞水塘
時間尚早，出發去附近的古洞水塘
之前沒有做太多資料蒐集，
就跟着地圖在古洞街市附近的路段前往。
一去到已經係水塘位，風光都唔錯，
然後就主要圍繞水塘走一圈，
景色就係水塘景，而且路面比較窄，
我哋係行到盡頭，就沿路折返，
逗留左只係大半個鐘。
古洞水塘最有名嘅心形湖，
就要行到高處先見到，
我就冇行到上去，火子爸上去睇過，
火子爸滙報，山路比較多沙石，
行嘅時候要好小心！！
如果想同心形湖打卡，
最好着行山鞋同要注意安全啊！
兩個景點中間，其實仲去左羅太豆腐花，
可能算是難得的補給點，
所以好好生意呢。
快閃兩個景點，大概兩個鐘已經完成，
其實粉嶺上水還有不少好去處，
大家不妨慢慢發掘。
謝謝收看，如果喜歡貓町媽媽的文章或想觀看更多親子玩樂情報，歡迎到訪貓町媽媽的Facebook專頁:<貓町媽媽 親子 玩樂 扮靚日誌>
加我IG: catdingmama
