我有一個囡囡，叫小獅妹（15m)，精力極度旺盛，每晚哄訓覺都係一場漫長的角力。不過無論幾攰，中午訓覺時間長或短，都會準時11點半至12點之間訓著，但睡前功夫確實要花好多時間，好多心機，先可以令囡囡乖乖訓覺。
囡囡頭6個月前，自己好神奇地可以一覺訓天光，夜奶都冇食，但無奈去到6個月大，就每晚都要食1-2次夜奶，仲好醒訓，令媽媽每晚都冇覺好訓。我曾經都諗過好多原因，點解會突然有這樣的轉變，思前想後，我估大概係因為加固，由於小獅妹係行BLW，加上腸胃較差，所以腸胃消化得麻麻，肚仔成日唔舒服，夜晚就訓得唔好。以見及此，我就諗出一套訓前儀式比囡囡。
每當囡囡食完晚飯（大概8:30-9:00），就會即刻沖涼，之後我就會幫囡囡全身按摩，特別針對肚仔，等囡囡腸胃消化得好d，然後換上訓覺衫（大概9:30），之後比囡囡係廳放電放30分鐘，10點正就會帶囡囡返入房，比時間佢冷靜下來，這個時間會同囡囡唱下兒歌，講下故事，最後11點食奶就訓覺。因為bb好需要一套固定模式，日覆日咁去做，令佢地習慣，有安全感，Bb 就會自然每日跟住同一個時間，同一種模式去做，夜晚就會訓得好。但當一日打破左呢個固定模式，例如去旅行，你就要再重新幫bb 再一次建立訓前儀式啦。
我係全人奶加全埋身，所以囡囡痴我痴到一個極點，所以如果我唔係身邊，囡囡就完全冇辦法訓著，所以每晚我都會先陪囡囡訓，等囡囡訓到好淋，我再起身做家務。但曾經試過有好幾次，我離開無耐，囡囡就醒左，仲喊住走出廳搵我，我唯有再陪佢訓著先做家務。所以後來我就決定每當我起身做家務，我就會將我身上的衣服放在囡囡身上，等佢聞到媽媽的味道，會感覺媽媽仲係身邊陪住佢訓覺，自此囡囡真係半夜訓醒搵媽媽的的情況小左好多。
哄bb訓覺真係一門大學問，每個bb都會有自己獨特的訓覺風格，只要搵到bb的風格，加以配合，爸爸媽媽同bb 都可以有覺好訓啦。
溫馨提示：以上資料係由媽咪提供作一般性參考，並非專業嘅醫學意見。
如果有任何疑問嘅話，可以先問問你嘅醫生或專業醫護人員吖！
