習慣成自然
-作者: 鐵媽咪
話咁快海蚊BB已經8個月大，每一日對鐵媽咪來講都係一個挑戰~ 相對海蚊BB出世前，鐵媽咪瞓覺嘅時間確實比之前少好多。 為左爭取睡眠時間，我地鐵家首要任務就係要令海蚊BB食得瞓得&柯得。
海蚊BB嘅睡眠習慣: 沖涼-> 食奶奶->瞓覺
所謂習慣成自然，由海蚊BB滿2個月開始，我地每晚10:30pm會同佢沖涼。玩水係佢最喜愛嘅活動之一，消耗左d體力，舒服晒，之後梗係要補充番d正能量。
BB同大人一樣，要填飽個肚先瞓得着。平時早上同收工返到屋企我都鍾意親餵，但係臨瞓前(11pm)我會選擇餵奶粉。因為食奶粉會比食人奶飽肚；而且鐵媽咪可以適量地增加奶量，我通常餵多半安士。當然吾會迫佢食，佢食到自然會俾多啲佢食，海蚊BB食飽飽，自然一覺瞓天光😴(6:30am-8am)。
好多人都話要全家熄電視熄燈俾BB安靜入睡，有d又話要熄燈等阿B識得分日夜。我認為並吾係必然，熄燈瞓定開燈瞓都係習慣嘅一種。海蚊BB臨瞓前我地係無熄燈嘅習慣，有時鐵威爸B仲係度打緊機，甚至海蚊BB瞓緊我地仲煲緊劇聽緊歌。機本上經過呢幾個月嘅時間，海蚊BB係無論光定暗都瞓得着，仲越嘈越好瞓; 呢個瞓覺習慣令鐵媽咪慳番吾少心力同時間，就算出左街都吾洗擔心BB瞓吾到。
Special Thanks 鐵威爸B示範我最喜愛睡姿
溫馨提示：以上資料係由媽咪提供作一般性參考，並非專業嘅醫學意見。
如果有任何疑問嘅話，可以先問問你嘅醫生或專業醫護人員吖！
