其實由BB出世果刻開始，媽媽每天最關心的，離不開都會是BB是否食得好，瞓得好，著得夠，同Poo得好。對每一位媽媽來說，沒什麼會比得上一家人能夠身體健康更為重要！
如果你家中的小朋友喜歡飲水又愛吃蔬菜水果，恭喜您！你既小朋友好乖呀！相信媽媽相對地會較少去煩惱他Poo Poo的問題。但好似Monster琳霖呢兩位小朋友，一個唔鍾意吃蔬菜水果又抗拒嘗試新事物，另一個則對食物質素要求超高⋯回想起來，我也真的下了不少的功夫。藉著今次的題目，我也希望和大家分享一下，做左媽媽6年既我，到底用左咩方法去幫助呢兩位咁有性格的小朋友去攝取更多纖維、水分，令他們poo poo 得好。
At Eye Level
跟擺放圖書既原理一樣，希望小朋友多閲讀圖書，那麼擺放圖書的位置必須是小朋友eye level 見到的，而且是他們小手接觸到的地方。同樣地，要小朋友多飲水、記得飲水，我也會把水樽放在小朋友eye Level 常見的位置，方便小朋友可以自己攞。有家長可能擔心小朋友拿水樽來玩？不用怕，市面上有很多款式的水樽都設有防漏功能。不是防漏的也不緊要，試試多提醒小朋友水樽是用來飲水，不是玩具啊！不過以我經驗，越是說不要做，他們就更想去做，但如果你比佢試，多去探索，玩多幾次，小朋友玩得多就自然會厭，因此玩意已再沒有新鮮感了，所以耐心等待吧！
每位小朋友也會有自己偏愛的食物
小朋友不喜歡吃蔬菜水果？唔緊要，花點時間嘗試去找，你必定能找到一些能贏得這位小朋友歡心既蔬菜水果！或許他喜歡吃的種類相當之少，但也總好過一點也不會吃。
家姐4歲之前只喜歡吃菠菜、菜芯、白菜、香蕉和蘋果，其它一律不吃，那我乾脆讓她吃這些好了，或透過之前食得好的文章把其它食材混入她愛吃的食物中一齊煮，所以她Poo Poo也沒有太大的問題。到處現在，她6歲了，過去兩年，她真的長大了很多，會主動嘗試和接受新的食物，記得有次她很自豪的跟我説：「媽媽，之前我唔食粟米、通菜，而家我會喇！」所以耐心等待吧！
讓小朋友選擇他的至愛
水樽就是小朋友既partner，當然要自己揀啦！家姐會選印有自己喜愛的卡通圖案既；細佬未夠兩歲唔識揀？錯了！第一，飲管一定要夠厚身(好咬)；第二，樽蓋掣要是他手指頭自己可以按得開或可以自己揭開的款式，越多組件越like。配上喜歡的水樽，很明顯他們會飲多啲水。
另外，要了解他們的口味及喜歡的口感。唔好以為細佬細個，煮飯煮麵就一定要淋身軟身，錯了！從差不多9個月開始，越硬越有囗感，佢越鍾意。蝦子麵、拉麵或煲飯要用1份米1份水的比例他才會吃。淋身的河粉米粉通通不要，但這些卻是家姐的至愛。食水果，細佬鍾意整粒放入口或自己一整個揸住慢慢咬，但家姐一定要切好一件件用叉食。所以媽媽要不停去鑽研新的煮法，去了解小朋友的至愛，他們對食物的要求也很重要。
教識小朋友何謂三高一低，可以多陪他們玩煮飯仔的遊戲。先去認識分類食物，再要求小朋友自己下廚煮給媽媽吃，玩得多，家姐已經知道一餐要少肉多菜，要有飯湯水果，有時還會加送甜品和玩具呢！
每位家長都能找出自己一套幫助小朋友Poo Poo得好的方法，沒有分對與錯，因大家都是為小朋友好。
希望大家的小朋友都Poo Poo得好！做個開心健康的寶寶。
～柏霖生活日常～
上一頁
