睡前儀式培養親子感情
-作者: 曦曦媽咪
話咁快曦曦就3歲喇，由細到大佢都係比較夜瞓嘅小朋友，而家因為返下晝班嘅關係，放學4點幾返到屋企都會再瞓一陣補充體力，起身玩一陣就差不多食晚飯。
由於瞓夠精神，所以每晚都會玩耐少少放下電先瞓得著，所以通常都係同大人差唔多時間瞓，即係大約11點左右先瞓。瞓覺前我哋會同佢講下故事唱下歌先，一來令佢知道差不多係時候瞓覺喇，二來都可以培養下親子感情，唱歌講故仔期間曦曦都會講返佢喺學校發生嘅野。
近排曦曦最鍾意嘅睡前活動就係望街睇風景，我都會陪佢睇埋一份，了解下佢留意咩野，然後睇睇下佢就會自己瞓著架喇。
溫馨提示：以上資料係由媽咪提供作一般性參考，並非專業嘅醫學意見。
如果有任何疑問嘅話，可以先問問你嘅醫生或專業醫護人員吖！
