想小朋友夜晚瞓得好，做好3項生活習慣！
-作者: Crystal
想小朋友有瞓得好，媽媽爸爸除了要為小朋友提供舒適的睡眠環境之外，其實良好的生活習慣同樣重要，我個人心得是：
．適量的體能活動
．瞓晏覺好重要
．規律的作息時間
1. 適量的體能活動
小朋友精力旺盛，每日要有足夠活動讓他們放電！去遊樂場玩，或者散步都可以，Clarice平時在學校已經放了好多電，放學後在家玩玩具、聽音樂跳舞已經足夠放電。
假日我們一定會帶她出街，接觸不同事物之餘，也是放電的好時機。如果全天呆在家沒有安排任何活動的話，Clarice因為精力無處釋放，通常到了要入睡的間仍然十分精神，全無睡意。所以要小朋友瞓得，每日都要安排適量的體能活動。
2. 瞓晏覺好重要
小朋友體力有限，不瞓晏覺的話體力無法支撐全日，以Clarice為例，如果沒瞓晏覺的話，體力透支，捱到晚上就會因為太攰而好扭計。除了情緒不好外，食慾也會受影響，因為食飯一坐低靜下來她就想睡覺，結果當然無胃口食，所以話，瞓得好同食得好是環環相扣的。
無瞓晏覺無精神食飯。
3. 規律的作息時間
Clarice的晏覺時間是下午2點至5點，我會為她準備一條紗巾和布兔仔，她抱著就會慢慢入睡。由於我十分重視瞓晏覺，所以安排活動時必定會預留午睡時間，帶架BB車讓她瞓。
去旅行都會帶架BB車等Clarice可以瞓晏覺。
如果活動時間配合不到她晏覺時間，甚至會不去活動都要讓她瞓，原因就係第二點所講，瞓得唔好就會食得唔好情緒唔好，所以所有活動都係以佢可以有足夠休息為大前提。(不過隨著Clarice長大，已經慢慢放寬瞓晏覺的規定)
至於夜晚瞓覺方面，也很固定地每晚九點多入睡，睡前我會調暗房間燈光和播放同一首純音樂，幫助她舒適地入眠。
抱住兔兔和紗巾睡覺。
溫馨提示：以上資料係由媽咪提供作一般性參考，並非專業嘅醫學意見。
如果有任何疑問嘅話，可以先問問你嘅醫生或專業醫護人員吖！
