公開桃桃瞓覺小物品
-作者: 桃媽
要小朋友訓得好，環境係好重要既因素，今日就同大家拆解下桃桃既訓覺小物品，睇下桃媽有咩法寶令佢乖乖地自己訓啦！
先俾桃桃張床仔大家睇下
音樂小夜燈
最初我同桃爸只係當一件床邊玩具俾桃桃玩，點知後尾發現原來勁有用！有時夜晚桃桃扎醒訓唔番，可以俾奶咀同開音樂俾佢聽，咁佢就會慢慢訓番著；而小夜燈亦都好方便我夜晚睇下桃桃發生咩事。
涼感枕墊
桃係一個好怕熱既小朋友，成日訓到成頭濕哂，有見及此，桃媽買左個涼感枕墊俾佢，自此就同頭汗講拜拜。
床邊玩具 ＆ 床圍
相信好多媽媽都會幫bb添置係床，桃桃上床後會訓低玩具直到佢眼訓；床圍就用離保護番小朋友等佢地唔會撞親者手手腳腳卡住左。
分腿睡袋
桃桃一直都有用開睡袋訓覺，因為佢翻滾既能力實在太強，咩被夾都可以俾佢踢甩，如果桃媽訓得太淋冇起身幫桃蓋被，第二朝就會有個流鼻水既小朋友出現。自從轉用睡袋後，呢個情況就改善左，至少媽媽唔駛成日心掛掛個仔有冇蓋被。
攬枕
桃係個非常缺乏安全感既bb，自小都要打斜身攬住野訓，所以就算去旅我都必帶佢既攬枕仔！
另外為左營造寧靜陰暗既環境，桃媽會落哂窗簾同埋用長巾蓋住眼仔等桃桃訓覺，再配合埋催眠音樂…zzz
以上呢並係咩特別方法，只係小小經驗分享，希望幫到大家。
溫馨提示：以上資料係由媽咪提供作一般性參考，並非專業嘅醫學意見。
如果有任何疑問嘅話，可以先問問你嘅醫生或專業醫護人員吖！
