BB鼻塞都可以瞓得好
-作者: 私のBob頭と小弟B
Hello, 又係我弟B呀～媽媽今朝又捕捉我美妙嘅睡姿😂。
前2日我流鼻水，有少許鼻塞。媽媽忽發奇想，想分享下瞓得好，除左平時一些睡前儀式分享之外，可以同大家分享一些突發狀況。就好似我今次流鼻水咁，我瞓得好差，又唔想食奶嘴瞓，因為我鼻塞，食住奶嘴連用嘴仔透氣都唔得。媽媽除左有比收鼻水甜甜（藥）我食，通常用生理鹽水幫我清理鼻水，等我舒服d。 媽媽仲會比個枕頭仔我墊高少少瞓，等個鼻通D。過左2日，我已經好番好多，多謝媽媽細心照顧我！o(^▽^)o
大家可以參考吓鼻塞時我瞓得到嘅方法：
》用個枕頭仔墊高少少、盡量側瞓，但要小心留意睡姿-
》使用生理鹽水，真係可以舒緩一下架-
》有需要時係要食甜甜（藥）架，知道有些媽媽都盡量唔想BB們食太多藥，不過我媽媽覺得寧願我辛苦少D、快D好；都好過我抹爛個鼻哥仔呀。「要記得聽醫生講，按時食藥同埋份量呀」
》可以搽少許薄荷膏通鼻塞～不過留意說明書呀！一般2歲先可以搽少少，所以媽媽都無幫我搽架！
我現在又生猛番啦，祝各BB身體健康呀～
溫馨提示：以上資料係由媽咪提供作一般性參考，並非專業嘅醫學意見。
如果有任何疑問嘅話，可以先問問你嘅醫生或專業醫護人員吖！
