莫愁BB的瞓覺法寶
-作者: VitoMa莫愁媽
點樣令小朋友瞓得好？
相信呢個問題，對好多家長都好頭痛，而我家莫愁bb都唔例外。每次差唔多要到瞓覺時間呢？
莫愁首先會表露可愛一面，用萌樣打動家中所有人。
第二，就係扮唔知/聽唔明？叫極都唔郁……
第三，發難渣，lur地，爆喊~唉……
無論我家莫愁bb用邊招都好，最終武器……就係佢成日攬住既馬騮仔安撫巾，由初生既時候都開始攬住黎瞓，都唔經唔覺陪左莫愁差唔多兩年了。莫愁細細個既時候已經同佢講，馬騮仔係佢第一個朋友仔，之前去邊都會帶住，但最終考慮衛生問題，所以除左去旅行先帶出街，其他地方唔會帶了。
除左安撫之外，仲會開一點幫助睡眠既音樂，等佢開始慢慢放鬆心情，聽聽下音樂真係連我都一齊瞓埋，一覺瞓天光。
希望都幫到有需要既你地。
莫愁媽
溫馨提示：以上資料係由媽咪提供作一般性參考，並非專業嘅醫學意見。
如果有任何疑問嘅話，可以先問問你嘅醫生或專業醫護人員吖！
