小朋友放電好去處
-作者: Charles Baby
仔仔而家一歲我會帶佢落公園玩
基本上我大部分佢玩得既遊戲設施我都會比佢嘗試玩
好似盪鞦韆同瀡滑梯，仲有騎馬仔同氹氹轉
呢啲佢都玩過哂，同埋盪鞦韆對小朋友既發展都有好處
可以訓練小朋友既協調能力同刺激大腦前庭系統架
加上呀仔性格係大膽型，佢第一次玩鞦韆同瀡滑梯都冇驚過
仲笑得特別開心，所以我久唔久都會同佢落去公園玩下行下
當係吸收下新鮮空氣又好當放電又好
對佢身體又好啵 ，禁可以成日落去玩番幾個字都好呀
佢又開心之餘我又開心
其實媽媽真係好易滿足，只要見到自己既小朋友笑得開心自己就會好開心
前庭感覺係向大腦傳重力、空間、平衡、協調既訊息
用黎偵測頭部同地心引力既關係
盪鞦韆係需要小朋友雙手緊握鞦韆既兩邊去控制身體向前向後擺動
同時亦可以訓練小朋友既小肌肉去緊握鞦韆的兩邊
大一點的小朋友更可訓練大肌肉，因為當推動鞦韆的同時需要運用到大肌肉來推動
而當前庭感覺知道頭部位置改變便會整合所有知覺傳來既訊息
確定身體空間位置、前進方向同速度從而調整身體姿勢黎維持平衡
盪鞦韆可以訓練專注力，訓練小朋友既平衡感更好
既可以令到小朋友既動作協調能力提高同令到佢地既方向感更好之外
最重要既係一個親子活動麻
小朋友呢個階段仲未識得自己去推動鞦韆
需要我地家長既幫助佢地去推動
而我自己每一次去推個鞦韆既時候，我既小朋友都會轉頭望向我笑一笑
或者對住前面既爸爸係到笑
佢係好Enjoy我地同佢一齊玩既每一刻而且呢個活動對於小朋友既發展係有好大既幫助
我地而家一有時間都會經常帶佢落樓下公園一齊玩耍
盪鞦韆有咁多好處我梗係唔汁输，帶個仔落多啲去放下電啦
仔仔好鐘意玩既係瀡滑梯，唔知係咪因為比較刺激
佢特別鐘意玩，每次玩親都笑到好開心架
