想小朋友笑得好？
-作者: Charles Baby
其實我個小朋友仲比較細，啱啱至一歲
想佢成日笑，我覺得都比較容易
其實真係靠Daddy Mammy佢地架
小朋友細細個最需要既就係Daddy Mammy既陪伴
佢地雖然唔識用語言去話你知佢想點
但佢地係知道你係咪真係陪緊佢玩
定你有你自己玩手機，佢就由佢自己一個係到玩玩具
我見過唔少既家長都可能真係認為佢細個唔識架啦都
佢自己一個玩咪又禁開心
但其實係錯架，小朋友絕對係知道你係陪緊佢
佢會發自内心禁笑架
我自己平時仔仔唔係訓緊覺，我都一定會陪佢玩
好似佢仲細個陣時3個幾月我會同佢玩啲識發聲既玩具去引佢注意
到大小小我會陪佢玩啲佢鐘意玩既野
好似佢大左會識用手仔放係口邊整啲聲音出黎
我就會學番佢同佢一齊玩
小朋友其實好易滿足
只要我學佢做既野／發出既聲音，佢都可以笑一餐
所以其實我仔仔真係可以話成日都笑
就算同佢出街佢都好開朗型既BB黎
佢好鐘意撩人同佢玩，坐車鐘意對住啲陌生人笑撩人玩
好多時啲人見到佢禁開心開朗都會回應佢同佢玩
試過搭車坐4人坐位，對面有個姐姐一上車佢就係禁望住人地對個姐姐笑
個個姐姐由上車同佢玩到落車，真係好攪笑架
所以其實我自己認為想小朋友笑得好最重要既因素一定係我地大人既陪伴
同埋我地大人自己本身既身教
好似我禁我自己係一個都好鐘意笑既人黎，咩都可以笑一餐
其實笑都有感染力架，我試過自己係到傻笑
之後仔仔見到我係到笑，笑得好開心，佢又跟住我一齊係到笑
所以如果大家都想個小朋友係粒人見人愛既開心果
你地都要笑多啲啦
小朋友係會被你感染都會變得開朗啲架
如果你成日都好似粒苦瓜禁，個小朋友見到你禁既樣都唔會開心啦，係咪先？
