秒拍笑顏
-作者: 黃夫人
秒拍笑顏
由黃公子出世一舊飯，到識行識走，黃夫人都喜歡用電話或者相機去記錄感動一刻和無限的第一次。
成功拍攝有多種方法，以下黃媽媽會一一解說。
黃夫人發現，無疑，電話自拍功能是最能夠吸睛的工具。萬試萬靈。
因為在電話看到自己的樣子對小朋友來講是十分新奇有趣的事，可拍攝出好奇探索的表情。
但係缺點就係黃公子會過份專注於電話屏幕，表情單調。
第二個方法就係正正經經用數碼相機拍攝小朋友活動。
好處係容易捕捉小朋友玩樂的正面表情，如果父母係攝影發燒友，更可以培養下一代對攝影的興趣。
不過壞處就係無電話禁方便，必須預先準備好才可以及時捕捉小朋友精靈一刻。
最好，就係由第三者拍攝。
由另一方在鏡頭外引小朋友注意力，或者和小朋友一齊在鏡頭面前擺舖士。
好處係可以增加小朋友的投入感，壞處就係唔可以單人完成拍照。
以上總結幾種拍攝方法是優缺點，需要不同的工具或幫忙，大家可能自行衡量邊一個方法比較適合自己。
下一次再分享如何帶起小朋友對拍攝的興趣。
