加點心思同創意吸引小朋友進食
-作者: 曦曦咩咪
擔心小朋友揀飲擇食？其實只要稍微加點心思同創意，就可以將平凡普通嘅食材組合成小朋友同大人都鐘意嘅食物！
男仔最愛一定離唔開車，所以今次就整左一架可以食得嘅跑車造型蛋糕俾仔仔，為佢帶黎視覺、味覺同觸角嘅衝擊！
蛋糕主要由乳酪、奶油乳酪、忌廉同海棉蛋糕組成，當然唔少得配角朱古力啦！所有材料係超市就可以買到架啦。
首先準備蛋糕模具，將材料加工處理完再跟次序倒入蛋糕模後，放入冰格雪過夜，食用前解凍就食得架啦！材料同做法雖然好簡單，但真係超級耗時架，少d心機都唔得。不過見到仔仔食得咁開心，真係物超所值！
溫馨提示：以上食譜只供媽咪參考。每個BB嘅身體狀況同需要嘅營養都有所不同，不妨向你嘅醫生或專業醫護人員先了解BB嘅需要啊！
