4款簡易保健飲品 開學前打好個底
-作者: 田媽玩樂誌
其實Justin身體唔係話十分強壯果隻，都曾經中過唔同既病毒，搞到氣管唔好。成日食藥睇醫生都唔係辦法，田媽唯有試下俾佢飲不同的保健飲品，幫佢打好個底、增強抵抗力💪 好多小朋友都要準備開學，健健康康上學去！
接骨木花汁 – 敏感人士的救星
味道甜甜的，好易入口。一小匙開一杯水，田媽每星期俾Justin飲1-2次。對鼻敏感同氣管敏感都有幫助。感冒初起飲佢亦有舒緩作用。
三棗茶 – 針對氣管敏感保健茶
材料：南棗1粒、去核紅棗2粒、蜜棗1粒、水3碗
做法：材料洗乾淨加水大火煲至滾起，再轉細火煲20分鐘
除非對小朋友的氣管敏感有幫助，大人飲都可以補血養顏
檸檬蜜糖水 – 感冒初起必飲
材料：檸檬半個、蜜糖1茶匙
做法：檸檬半個榨汁、加蜜糖攪勻即可
味道甜甜酸酸，小朋友好鍾意。大量維他命C可以增強小朋友抵抗力，田媽每星期都俾Justin飲1-2次。感冒初起必飲。當然如果小朋友有咳就唔好飲，因為檸檬酸會刺激咳嗽。另外，一歲以下小朋友都唔好飲，因為一歲以下唔食得蜜糖。
維他命C supplement
幾滴加水就飲得，超方便。懶媽必備😝
溫馨提示：以上資料係由媽咪提供作一般性參考，並非專業嘅營養方案意見。如果有任何疑問嘅話，可以先問問你嘅醫生或專業醫護人員吖！
