BB點樣食得好？
-作者: catching
我係一個新手媽媽，有個2歲半嘅小朋友。喺飲食方面，佢有一個偏食嘅問題，唔肯進食蔬菜，令我十分擔心佢攝取唔到足夠營養，所以我經常上baby-kingdom網參考一些資料，從而幫我解決囝囝偏食嘅問題。
分享下我嘅做法：
●我會將不同顏色嘅蔬菜整成圖案，吸引囝囝進食嘅興趣
●我會將蔬菜磨成菜蓉，混合飯或粥或麵俾佢食
●我會以身作則，所有食物都食
●我會採用鼓勵方法，當囝囝肯食或食哂所有蔬菜，我會讚賞佢，或者會獎小禮物(例如囝囝至愛嘅車仔)，當然唔可以經常性有獎品
綜合以上幾點，囝囝嘅偏食問題都有所改善，希望所有小朋友都有個健康嘅體魄。
溫馨提示：以上資料係由媽咪提供作一般性參考，並非專業嘅營養方案意見。如果有任何疑問嘅話，可以先問問你嘅醫生或專業醫護人員吖！
